Marc Schiltz

FNR

D’Lëtzebueger Fuerschung huet an de leschte Woche vill geschafft: dagdeeglech aktualiséiert eng Grupp vu Wëssenschaftler, Projektiounen a Modelisatiounen zur Verbreedung vum Coronavirus zu Lëtzebuerg. Mee och déi ekonomesch sozial a psychologesch Auswierkunge vun der Covid-Kris op eis Gesellschaft ginn erfuerscht.

Den FNR huet rezent 5,6 Milliounen Euro investéiert a Projete ronderëm d’Coronavirus-Epidemie. An dëser Situatioun stellt sech eraus, dass et fir d’Land wichteg ass, eng eege Fuerschung ze hunn. An d’Fuerschung ka lo weisen, wat se fir d’Land ka maachen.

Ervierhiewe kann een d‘Strategie fir groussflächeg Tester, déi vun der Lëtzebuerger Fuerschung ausgeschafft ginn ass a lo an den nächsten Deeg a Wochen sou richteg lass geet. Et ass hei keen abstrakt akademescht Zil derhannert, ma e ganz konkret: de Virus ënner Kontroll behalen, wärenddeem mir de Wee zeréck an e méi gereegelt Liewen ënnert dem Deconfinement fannen.

Firwat de Fokus op d’Testen?

Eng vun den Eegenaarte vun dësem Coronavirus ass, dass vill Léit infizéiert sinn, ouni awer Krankheetszeechen ze hunn (Schätzunge ginn dervun aus dass bis zu 80% vun den Infizéierte keng oder kaum Symptomer hunn). Si sinn awer ustiechend fir déi aner, ouni et emol ze wëssen. Bis ewell sinn nëmmen Leit mat Symptomer getest ginn, mee domadder gi schätzungsweis also just ëm 20% vun den Infizéierten identifizéiert.

Dofir wëll ech hei de Message ginn: Wann der ugeschriwwe gitt, iech per PCR Terst testen ze loossen: Wgl. loosst iech testen, och wann der keng Krankheetszeechen hutt. Wëll et ass e solidareschen Akt.

Firwat ass dat esou?

Ma wann ech selwer infizéiert sinn, awer keng Krankheetssymptomer hunn an och net weess, dass ech infizéiert sinn, da kann ech, ouni et ze wëllen, aner Leit ustiechen, Membere vu menger Famill, Aarbechtskolleegen a virun allem eben och déi, déi besonnesch vulnerabel sinn.

Dat war elo an Zäite vum Confinement, wou mer doheem waren an ons un d’Reegele gehalen hunn, net wierklech e Problem. Ma elo am Kader vun der Exit-Strategie geet et jo drëms, nees méi Fräiheeten ze kréien, also och nees méi sozial Kontakter. Et ass also an dëser Situatioun immens wichteg, dass een, wann een infizéiert ass, doheem bleift, well soss riskéiert déi séier Verbreedung vum Virus erëm vu Vir unzefänken. A fir eraus ze fannen, ob ech infizéiert sinn, dofir sinn d’PCR-Tester do.

PCR Tester hëllefen also am Kader vun der Santé Publique. Vill Leit wënschen sech en Antikierper-Test. Dee seet engem ob een de Virus schon hat, a gëtt also en Indice ob en eventuell immun ass. Dat ass op individuellem Niveau interessant. Ma fir d'Santé Publique bréngt dat näischt, zumindest net soulaang den Taux u Leit déi de Virus haten nach esou niddreg ass wéi den Ament (laut CON-VINCE-Studie haten ca 2% vun der Bevölkerung réit de Virus). Réit wa vill Leit en haten an et sou ass, dass Leit déi de Virus haten och immun sinn, bréngen Antikierper à grande échelle eppes fir d'Santé Publique. 

Eng Fro déi sech eng Reih Leit stellen heibäi ass: Wat ass dann, wann ech beim Test negativ sinn, ma mech puer Deeg drops ustiechen. Da bréngt dat Ganzt dach näischt?

“Vill Testen hëlleft – dat ass wëssenschaftlech evident”

D’Äntwert heirobber: Ganz theoretesch wier et besser, mir kéinte jiddereen all Dag teste loossen. Ma dat ass net méiglech. An et ass keng Saach vu Ganz oder Guer net. Et gëllt ganz einfach de Prinzip: Wat méi Tester duerchgefouert ginn, wat mer méi Neiinfektioune kënne vermeiden, wëll mer duerch méi Tester jo méi Leit kënnen identifizéieren, déi ustiechend sinn - an hinne soen, sie sollen doheem bleiwen, fir net nach wieder Mënschen unzestiechen. D’Test-Strategie bedeit keen 100%-ege Schutz fir eis all. Ma jiddfer Moossnahm, déi hëlleft Neiinfektiounen ze verhënneren, dréit zu enger Verbesserung vun der Situatioun an der Santé Public bäi. An d’Test-Strategie dréit ganz eendäiteg dozou bäi, dat ass wëssenschaftlech onemstridden. Op individuellem Niveau awer heescht en negativen Test selbstverständlech net, dass een duerno sech net méi brauch un déi zurzäit gängeg Hygiènesmesuren ze halen. Et gëlle fir jidderee weiderhin déi zurzäit gängeg „Gestes Barrières“.

Eng grouss Chance fir eist Land

Et ass eng grouss Chance fir eist Land, dass mer eis d'Méiglechkeet ginn, d’ganz Bevëlkerung kënnen ze testen, an dat esou guer e puer Mol. A mir sollte se notzen. Dofir nach emol mäin Appell: Wann der ugeschriwwe gitt, fir iech testen ze loossen, dat loosst iech testen – aus Solidaritéit zu allen! – Fir dass der net aner Leit ustiecht, ouni et ze wëssen an ouni et ze wëllen.

Auteur: Marc Schiltz
Editeur: Jean-Paul Bertemes

Auch interessant

Forschungsstudie CORONASTEP SARS-CoV-2 Monitoring mithilfe von Abwasserproben

Diese indirekte Technik zur Überwachung des Virus ermöglicht seine Verbreitung in der Bevölkerung früh zu erkennen.

Umfrage zu COVID-19 Welche sozioökonomischen Auswirkungen hat die Corona-Krise?

Diese Umfrage zielt darauf ab, die Erfahrungen von Familien seit Beginn des Lockdowns zu untersuchen, aber auch ihre Erw...

SARS-CoV-2 und COVID-19 Alle unsere Artikel über das neue Coronavirus

Faktenchecks, Projekte der luxemburgischen Forschung und wissenschaftliche Hintergründe: Seit Januar 2020 berichten wir ...

FNR

Auch in dieser Rubrik

Covid-19 Task Force Pressekonferenz "Research Luxembourg" vum 28/05/2020 am Replay

Haut an der Pressekonferenz: Simulatiounen zum Deconfinement, Detailler zum Large-Scale Testing, neiste Resultater vun der CON-VINCE-Etüd an eng Presentatioun vun der Etüd Coronasteps.

Rudi Balling, Isabel de la Fuente Garcia
SARS-CoV-2-Infektionen bei Kindern Wie leicht stecken Kinder sich selbst und andere an?

Im Rahmen der Schulöffnungen stellen sich Fragen einerseits zur Gesundheit der Kinder, andererseits zu Risiken für die Bevölkerung. Wie ist der Stand der Wissenschaft? Ein Faktencheck.

Déconfinement COVID-19 Pressekonferenz "Research Luxembourg" vum 14/05/2020 am Replay

Wat sinn déi wirtschaftlech Effekter vum Covid-19? Wat sinn d'Effekter vun der Pandemie op d'Logistik an "Supply chain" hei zu Lëtzebuerg? A wéi liicht stieche Kanner sech selwer an anerer un?

Ulf Nehrbass, Paul Wilmes
A SAFER AND FASTER EXIT FROM THE LOCKDOWN? The concept behind Luxembourg’s testing strategy: why extensive testing will help during the exit from the lockdown

Research Luxembourg has developed a concept that can facilitate a faster and safer easing of the lockdown. Why is it safer? And how is it faster? The experts explain.