(C) FNR

An Zäite vu Post-Wourecht schénge wëssenschaftlech Fakten net méi vill ze zielen an Theme ginn oft nach just wei Glawensfroen behandelt. De Marc Schiltz erkläert firwat mer wëssenschaftleche Fakten weiderhi Vertraue schenken kënnen.

"Wat ass Wourecht?" huet scho virun 2000 Joer de Pontius Pilatus gefrot.

Am Kontext vum Brexit an der Wahl vum Donald Trump gëtt villfach vun enger Zäit vu "post-Wourecht" geschwat. Dee Begrëff ass zum Wuert vum Joer am Oxford Dictionnaire gekürt ginn. Post-Wourecht oder post-faktesch dat ass eng Astellung wou Fakten an etabléiert Kenntnisser einfach op d’Säit gedréckt ginn.

Wëssenschaftleche Prozess: Weltwäit hannerfroe sech Wëssenschaftler, iwwerpréifen ob Resultater reproduzéierbar sinn, wéi eng Resultater stéchhalteg sinn...fir der Wourecht sou no wéi méiglech ze kommen

Beispill Klimawandel: d’Klimafuerscher weltwäit hunn iwwer déi leschte Joren eng Onmass un Donnée gesammelt an analyséiert. Si hunn hir Analyse mat anere verglach, géigesäiteg kritesch hannerfrot, een huet deem anere seng Analyse versicht ze reproduzéieren.

D’Konklusioune si mëttlerweil eendeiteg: de Klimawandel ass eng Realitéit, an en ass och mat vum Mënsch verursaacht. Méi wéi 97% vun de Klimafuerscher weltwäit stëmmen dëser Konklusioun zou.

Weem schenkt ee méi Vertrauen? Engem op Fakte baséierende Prozess, deen sech ëmmer selwer hannerfreet, oder séngem Glawen?

An dach hu mer elo ee President vun der mächtegster Natioun op der Welt, deen dat einfach niéiert. Et gëtt gemaach wéi wann et just eng Glawensfro wier: Klimawandel, entweder et gleeft en drun oder net. A wann een net dru gleeft, dann huet et och keng Realitéit.

An da kommen nach déi üblech Strategen, fir sech selwer an anerer ze iwwerzeegen: Donnéeën an Analyse gi selektiv gekuckt; Pseudo-Experte ginn aus dem Hutt gezaubert, an alles dat wat engem seng Iwwerzeegung net géif konforméiere gëtt denigréiert.

Mir mussen awer net onbedéngt esou radikal Beispiller ewéi de Klimawandel an den Donald Trump uféieren.

Fuerschungsresultater, déi ëmmer erëm iwwerpréift ginn

Hei bei ons, féiere mer am Moment erëm eng Diskussioun iwwert eent vun onse Liiblingsthemen: d’Plaz vun der Lëtzebuerger Sprooch an der Gesellschaft. Mee och heizou gëtt et mëttlerweil zimlech detailléiert an komplett Donnéeën, déi ënnert anerem vum STATEC erhuewe ginn. An d’Sproochfuerscher op der Uni Lëtzebuerg hunn déi Donnéeë méi genau analyséiert a kommen zu engem méi nuancéierte Resultat, dass Lëtzebuergesch eng ganz vital Sproch ass.

Ëmmer méi Leit léiere Lëtzebuergesch als zweet Sprooch. Et kann also kaum Ried dervu sinn, dass ons Mammesprooch riskéiert, ënnerzegoen.

D’Fuerschung berout grondsätzlech op Fakten, op bewise Resultater. Si entwéckelt sech weider, well ee Fuerscher sech, natierlech mat engem kritesche Bléck, op Resultater vun anere Fuerscher baséiere kann. Des Fuerschungsresultater, déi ëmmer erëm iwwerpréift ginn an iwwert eng länger Zäitspan erreecht goufen, kënnen dozou bäidroen, iwwert d’Fuerschung eraus gesellschaftspolitesch Entscheedungen ze motivéieren an ze ënnermaueren.

Auteur: FNR
Photo: FNR

Infobox

Carte Blanche

Dësen Artikel ass eng Carte Blanche vum Marc Schiltz, Secrétaire général vum Fonds National de la Recherche (FNR), déi de 16. Januar 2017 op RTL Radio Lëtzebuerg gesend gouf. 

Auch interessant

Chercheurs à l’école 2023 Fuerscher ginn zréck an d'Schoul!

Bei der Aktioun "Chercheurs à l’école", déi vum 13. bis den 17. Mäerz 2023 stattfënnt, léiere Lycéesklasse Fuerscher a F...

FNR
Gesundheit Welche Auswirkung hat die Trennung der Eltern auf das Körpergewicht ihrer Kinder?

Forscher aus Luxemburg und London haben festgestellt: Nach einer Trennung der Eltern steigt der Body-Mass-Index (BMI) de...

EU-Austritt Großbritanniens Welche Folgen hat der Brexit für die Europäische Forschung?

In der EU zählt Großbritannien zu den wichtigsten Forschungspartnern. Entsprechend besorgt ist die Wissenschaft mit Blic...

FNR

Auch in dieser Rubrik

Neues aus der Wissenschaft 10 relevante Forschungsergebnisse aus Luxemburg - März 2023

Miniatur-Gehirne im Weltall; gärtnern auf dem Mars; das biologische Alter unserer Zellen: Hier sind die neuesten wissenschaftlichen Nachrichten aus dem Großherzogtum.

Politics meets Research Konferenz: Megatrends aus Sicht der Politik und Wissenschaft

Am 4. und 5. Mai im Cercle Cité werden Zukunfts-Themen aus Sicht der Wissenschaft und Politik diskutiert. Bist du interessiert teilzunehmen? Dann registriere dich hier!

Neues aus der Wissenschaft 10 relevante Forschungsergebnisse aus Luxemburg - Februar 2023

Die ersten Ergebnisse der Volkszählung; der ökologische Fußabdruck des Landes; eine außergewöhnlich niedrige Übersterblichkeit während der Pandemie: dies sind die Nachrichten aus der Wissenschaft.

Neuheiten in der Wissenschaft 10 relevante Forschungsergebnisse aus Luxemburg - Januar 2023

Großes in der Astrophysik; ein erster Mückenatlas; die körperliche Aktivität der Luxemburger: Hier sind die neuesten wissenschaftlichen Veröffentlichungen aus dem Großherzogtum.