RTL

Video vum PISA Summerchallenge 2019

Wéi hunn d'Mënsche virun 8000 Joer am haitege Lëtzebuerg gelieft? Wéi eng Spueren hu si eis iwwerliwwert? D'Pisa Team war op eng Rees an eis Vergaangenheet.

Den Olivier Catani an de Joseph Rodesch (Mr Science) hu fir de Pisa Summerchallenge 2019 dräi Deeg am Bësch gelieft a kruten en Abléck wéi d'Liewen an der Steenzäit kéint gewiescht sinn.

Zesumme mam Steenzäitberooder Hartmut Albrecht hu si entdeckt, wat een deemools alles huet misse kënne fir ze iwwerliewen, a mat wéi enge Materialien d'Steenzäitmënschen hu missen eens ginn.

D'Plaz déi si fir dëst Experiment gewielt hunn ass de Kalekapp bei Berdrëf, eng Fielsformatioun déi zu enger vun de Plaze gehéiert wou archeologesch Decouverten aus der Steenzäit gemaach goufen. Um Loschbour e puer Kilometer méi südlech sinn zwee extraordinär Skeletter fonnt ginn, ee Mann an eng Fra, déi virun 8000 respektiv 9000 Joer am haitege Mëllerdall begruewen si ginn. Beim Mann konnten nach quasi intakt DNA Spure fonnt ginn, déi den Archeologe vill iwwer d'Ausgesinn an d'Originne vun dëser Persoun verroden hunn.

Des Leit waren d'Inspiratioun fir de Pisa Summerchallenge 2019.

Am Naturmusée an am Geschichtsmusée an der Stad Lëtzebuerg kann ee méi iwwer dësen Deel vun der Lëtzebuerger Geschicht gewuer ginn.

Auteuren: Olivier Catani a Joseph Rodesch
Productioun: RTL
Merci'en: Fränk Adam, Hartmut Albrecht, Sandra Bofferding, Julieta Fernandez, Christophe Jacoby, Ingo Knopf, Tom Lahr (Lëtzebuerger Guiden a Scouten), Foni Lebrun(CNRA), Patrick Michaely (MNHN), Altti Nieminen, Daniel Stieber (LNS), Christophe Olinger (LNS), René Pfeiffer

Auch interessant

Pisa Studie 2018 Das schiefe Bild von Pisa zurechtgerückt

In der Vergangenheit hat das schlechte Abschneiden bei der internationalen Vergleichsstudie in Luxemburg meist zunächst ...

Best of 10 Joer Pisa Happy Birthday, Mr. Science!

En Zesummeschnëtt vun de stäerkste Momenter aus 10 Joer Mr Science am Pisa Wëssensmagazin, souwéi en Artikel dee fir de ...

FNR, RTL
Mikroorganismen Kann een aus Baarthiefen Béier maachen?

Eekeleg, oder interessant? Gëtt de Mr Science Beard Beer e neie Lëtzebuerger Kult- Béier?

Auch in dieser Rubrik

Elektro Auto
E-Motor Firwat brauchen elektresch Autoe keng Gangschaltung?

Mr. Science, stëmmt et, datt E-Autoen ouni Gangschaltung auskommen?

FNR
Niesen
Schnapp & Co. Kann ee sech duerch Keelt erkalen?

Firwat hu mir eigentlech meeschtens am Wanter de Schnapp? Ass et wéinst der Keelt datt een sech méi liicht erkaalt? Mr Science, wat weess d'Wëssenschaft doriwwer?

FNR
Rabonzel-Experiment Wéi stabil sinn Hoer?

De Mr Science test d'Märchen a kuckt ob een un enger 10 Meter Hoertrëtz en Tuerm eropklamme kann.