RTL

Video vum PISA Summerchallenge 2019

Wéi hunn d'Mënsche virun 8000 Joer am haitege Lëtzebuerg gelieft? Wéi eng Spueren hu si eis iwwerliwwert? D'Pisa Team war op eng Rees an eis Vergaangenheet.

Den Olivier Catani an de Joseph Rodesch (Mr Science) hu fir de Pisa Summerchallenge 2019 dräi Deeg am Bësch gelieft a kruten en Abléck wéi d'Liewen an der Steenzäit kéint gewiescht sinn.

Zesumme mam Steenzäitberooder Hartmut Albrecht hu si entdeckt, wat een deemools alles huet misse kënne fir ze iwwerliewen, a mat wéi enge Materialien d'Steenzäitmënschen hu missen eens ginn.

D'Plaz déi si fir dëst Experiment gewielt hunn ass de Kalekapp bei Berdrëf, eng Fielsformatioun déi zu enger vun de Plaze gehéiert wou archeologesch Decouverten aus der Steenzäit gemaach goufen. Um Loschbour e puer Kilometer méi südlech sinn zwee extraordinär Skeletter fonnt ginn, ee Mann an eng Fra, déi virun 8000 respektiv 9000 Joer am haitege Mëllerdall begruewen si ginn. Beim Mann konnten nach quasi intakt DNA Spure fonnt ginn, déi den Archeologe vill iwwer d'Ausgesinn an d'Originne vun dëser Persoun verroden hunn.

Des Leit waren d'Inspiratioun fir de Pisa Summerchallenge 2019.

Am Naturmusée an am Geschichtsmusée an der Stad Lëtzebuerg kann ee méi iwwer dësen Deel vun der Lëtzebuerger Geschicht gewuer ginn.

Auteuren: Olivier Catani a Joseph Rodesch
Productioun: RTL
Merci'en: Fränk Adam, Hartmut Albrecht, Sandra Bofferding, Julieta Fernandez, Christophe Jacoby, Ingo Knopf, Tom Lahr (Lëtzebuerger Guiden a Scouten), Foni Lebrun(CNRA), Patrick Michaely (MNHN), Altti Nieminen, Daniel Stieber (LNS), Christophe Olinger (LNS), René Pfeiffer

Aussi intéréssant

Klimawandel Wat mécht den CO2 op eiser Äerd?

Klimakiller an CO2-Steier - iwwer den CO2 gëtt vill geschwat. De Mr Science erkläert firwat e Gas, deen nëmme knapp 0.04...

FNR , RTL
Stroossebau Gëtt et de perfekte Stroossebelag ?

Grëffeg, resistent a roueg … Dëst sinn nëmme e puer vun den Eegenschaften déi e Stroossenbelag muss hunn. De Mr Science ...

FNR , RTL
Best of 10 Joer Pisa Happy Birthday, Mr. Science!

En Zesummeschnëtt vun de stäerkste Momenter aus 10 Joer Mr Science am Pisa Wëssensmagazin, souwéi en Artikel dee fir de ...

FNR , RTL

Aussi dans cette rubrique

duschen
Grouss Botz Wéi dacks soll een duschen?

Duschen erfrëscht de Kierper an d’Séil. Mee wéi dacks ass gutt oder schlecht fir eis Haut?

FNR
Aus 215 Meter Héicht Eeër-Challenge vun enger RTL-Antenn zu Jonglënster

E réit Héngeree kann eng Chute aus 215 Meter Héicht iwwerliewen. Wéi dat geet, a firwat de Mr Science mam Olivier Catani NACH op den héige Sendemast eropgeklommen ass, gitt der am Video gewuer.

FNR
Screentime fir Kanner Wéi vill Zäit sollte Kanner virum Ecran verbréngen?

Smartphone, Spillkonsol, Telé, Computer - grouss oder kleng Ecranen si jo haut fest an eis Liewen integréiert. Mee wéi vill Screentime ass eigentlech gutt a wéini soll ech agräifen, Mr Science?

FNR