FNR

Opgepasst! Fro fir dëst Experiment en Erwuessenen ëm Hëllef. Stell all brennbar Materialien op d’Säit e stell e Feierläscher oder en Eemer mat Waasser prett.

De Joseph vu science.lu weist dir am Experiment vun Dag wéi ee mat engem Téiliicht an e puer Eisespéin e Mini Freedefeier mécht.

Feil mat enger Eisefeil e bësse Metallstëbs vun engem Nol oder engem anere Stéck Metall of. Fänk de Stëbs mat engem Blat op a looss dëse Stëbs duerno lues an d’Flam vun engem Téiliicht riiselen. Dobäi entstinn d’Fonken déi een och aus dem Späizmännche kennt (Hei ass och Eisen dran). Du kanns verschidde Metaller probéieren a sou verschidde liicht Effekter provozéieren.

Metaller kënne wann se réng genuch si verbrennen. Ëm e klenge Stëbskär ka vill Sauerstoff ronderëm kommen an doduerch eng séier Verbrennung erméiglechen. Wa Metall als déckt Stéck virläit gëtt d’Hëtzt déi entsteet séier vum Metall oftransportéiert sou datt d’Metallstéck net verbrenne kann.

Wärend der ganzer Zäit vum COVID-19 Homeschooling verfilme mir vu science.lu all Dag ee klengt Experiment fir Dech, wat ee mat wéineg Material doheem nomaache kann. Eis Zieler: Dech virwëtzeg maachen, Dech un d’staunen kréien an Dir d‘Freed um experimentéiere weider ginn.

Kuck net just de Video mee maach d‘Experiment no!

Dat mécht vill méi Spaass an dobäi mécht een dacks nach aner intressant Beobachtungen. Also sich d’Material an da lass!

Heiansdo klappt et net bei der éischte Kéier – dat ass normal – kuck de Video nach emol genee oder sich am Internet no enger anerer Beschreiwung vum Experiment.

Vill Spaass beim nomaachen!

Däin Team vu science.lu

#Experimenterdoheem – Concours

Film Dech oder maach eng Foto beim Experimentéieren a probéier bei eisem Concours ze gewannen. Méi Infoe fënns du hei:

Auch in dieser Rubrik

Experiment  Firwat kann eng Orangëschuel e Loftball platzen? 

Loftbäll sinn aus Naturkautschuk - e geniaalt Material wat enorm stabil an elastesch ass. Firwat platzt en awer sou séier wann ee mat enger Orangëschuel méi no kënnt?

FNR
Experiment Wéi bléist een a Corona-Zäiten d’Käerzen um Kuch aus?

Kaum denkbar datt ee senge Gäscht e Kuch zerwéiert wou ee virdrun seng Mikroben drop geblosen huet. Mir verroden en Trick wéi een en trotzdeem ausblose kann!

FNR
Wie von Zauberhand Bewege einen Strohhalm, ohne ihn zu berühren!

Versuche bei diesem Experiment einen Strohhalm auf einer Plastikflasche zum Drehen zu bringen, ohne ihn dabei zu berühren.

FNR