FNR

D'Linda vu science.lu weist Dir haut en Experiment.

D‘Linda vu science.lu weist Dir am Experiment vum Dag, wéi ee mat Ueleg (Bébéueleg oder soss en hellen Ueleg) an e bësse gefierftem Waasser en Effekt mécht deen sou ausgesäit wéi bei enger 70ies Lavaluucht. Eng Brausetablett, déi sech am Waasser opléist produzéiert e Gas: de Kuelendioxid. Dës Blose steigen op, a rappen dobäi e bësse faarwegt Waasser mat no uewen, wou den Ueleg ass. Soubal d’Gasblose platze fält dat faarwegt Waasser rëm duerch den Ueleg no ënnen. E Wow-Effekt fir an der Kichen!

Tipp: Als Brausetablett kanns Du och eng Vitamintablett benotzen. Am Video gouf eng Tablett benotzt, déi ofgelaaf war an net méi als Medikament konnt benotzt ginn. Den "Brause-Effekt" bleift erhalen. Den Ueleg kann och duerno zréck an d'Fläsch geschott ginn.

Wärend der ganzer Zäit vum COVID-19 Homeschooling verfilme mir vu science.lu all Dag ee klengt Experiment fir Dech, wat ee mat wéineg Material doheem nomaache kann. Eis Zieler: Dech virwëtzeg maachen, Dech un d’staunen kréien an Dir d‘Freed um experimentéiere weider ginn.

Kuck net just de Video mee maach d‘Experiment no!

Dat mécht vill méi Spaass an dobäi mécht een dacks nach aner intressant Beobachtungen. Also sich d’Material an da lass!

Heiansdo klappt et net bei der éischte Kéier – dat ass normal – kuck de Video nach emol genee oder sich am Internet no enger anerer Beschreiwung vum Experiment.

Vill Spaass beim nomaachen!

Däin Team vu science.lu

Auch interessant

Kanéil-Effekt Zapp deng Hand an d'Waasser ouni datt se naass gëtt

En Experiment mat deem een sech selwer am meeschten erstaunt. 

FNR
Osmos Erschreck deng Matbewunner mat Ierbessen

Gedréchent Leguminosen (DE : Hülsenfrüchtler) quëllen op wann een se an d’Waasser leed. Mir weisen iech wéi een heimat s...

FNR
Experiment: Zongebatterie Wéi schmaacht elektresche Stroum?

Mat 2 verschidde Metaller kanns de op denger Zong en ongeféierlechen elektreschen Stroum schmaachen.

FNR

Auch in dieser Rubrik

Partytrick Balancéier eng Béchs

Aus enger (bal) eideler Béchs gëtt eng Ballerina déi sech am Krees dréint.

FNR
Experiment Trinke das Wasser von Bäumen

Bäume produzieren den Sauerstoff, den wir atmen dabei verdampfen sie aber das 200-fache an Wasser. Dieses Wasser kann man auffangen – und trinken.

FNR
Kanéil-Effekt Zapp deng Hand an d'Waasser ouni datt se naass gëtt

En Experiment mat deem een sech selwer am meeschten erstaunt. 

FNR