BrandtMarke/pixelio.de

E gudde Parfum hält de ganzen Dag, du selwer richs e just net méi!

Heiansdo froen ech mech, firwat ech iwwerhaapt Parfum benotzen…no puer Minutten ass de Geroch souwisou fort. Verflitt de Parfum sou schnell?

Nee, e gudde Parfum hält de ganzen Dag, du richs e just net méi! De „Problem“ läit meeschtens net beim Parfum, mee bei denger eegener Nues. Déi gewinnt sech nämlech ganz schnell un de Geroch an ignoréiert en dann einfach.

Dat heescht ech sinn deen eenzegen, deen näischt méi richt?

Du, an awer och all aner Leit, déi sech länger Zäit direkt nieft dir ophalen. Stell der mol fir, onst Gehir misst all eenzelne Geroch, dee bei all Otemzuch an d’Nues kënnt, verschaffen – dat géif jo guer net méi fäerdeg ginn! Dofir gi Geréch schonn no kuerzer Zait net méi weiderverschafft an och net méi vun dir registréiert. Een, deen awer nei an de Raum kënnt, richt och däi Parfum. Fir ons Nues ass et wichteg, d’Ännerungen an onsem Ëmfeld ze registréieren, net dat wat d’selwecht bleift.

Dat ass natierlech en Avantage fir Leit déi nieft enger Kläranlag oder engem Schwäistall wunnen…Wéi ass et da mat de Madammen deenen een op 100 m kéint un hirer Parfumswollek nogoen? Richen déi sech och net?

Nee, déi kréien tatsächlech net matt, dass se mat hirem Geroch eventuell hiert Ëmfeld verpeschten…Dat kann awer och nach aner Ursaachen hunn: Verschidde Leit hu vu vireran eng vill besser Nues wéi anerer. Ausserdeem gëtt däi Gerochssënn mam Alter genausou wéi deng aner Sënner ëmmer méi schwaach. An dovun ofgesinn fënnt deen een och vläicht gutt wat deem anere sténkt...

Auteur: Liza Glesener
Photo: © BrandtMarke/pixelio.de

Infobox

Parfumstest:

Wéi laang däi Parfum wierklech hält, kanns de ganz einfach testen andeems de e bësse Parfum op en T-Shirt oder e Schal spréiss an deen an enger Zëmmer hänks wou s de dech net dauernd ophäls. Da gees de vun Zäit zu Zäit erakucken; do wäerts de staunen no wéi vill Stonnen dass de nach eppes richs.

Fuerschung zu Lëtzebuerg

Onse Gerochssënn ass een Thema ënnert villen aneren, mat deenen d’Fuerscher sech an der Lëtzebuerger Parkinson-Klinik beschäftegen. Parkinson ass eng vun enger Rei Krankheeten, duerch déi onse Gerochssënn sech verschlechtere kann. An der Parkinson-Klinik mécht dofir all Patient e Gerochstest, fir ze kucken, wéi gutt hien nach riche kann. All d’Donnéeën zu de Patienten, déi an der Klinik gesammelt ginn, droen dozou bäi, dass d’Fuerscher sech kënnen e méiglechst komplett Bild vun dëser Krankheet maachen.

Auch interessant

Schmerzforschung Wie Virtual Reality das eigene Schmerzempfinden beeinflussen kann

Wer unter Schmerzen leidet, ist für jede Ablenkung dankbar. Forscherinnen der Uni Luxemburg haben untersucht, welchen Be...

Schrift formt Umwelt Wie unsere Sprache die Wahrnehmung beeinflusst

Der Himmel ist blau und eine Kuh größer als ein Regenwurm. Das würde keiner von uns in Frage stellen. Doch sehen das an...

Virtual Reality Just fir Geeks, oder eppes fir jiddereen?

D'virtuell Realitéit gëtt ëmmer méi accessibel fir jiddereen. Wat ass et a wat kënnt op eis duer?

FNR

Auch in dieser Rubrik

Telepathie zwischen zwei Menschen
Gedanke liesen Funktionéiert Telepathie?

Ëmmer nees behaapte Leit, Gedanken iwwerdroen ze kënnen. Wat seet d’Wëssenschaft zu dësen telepathesche Fäegkeeten?

FNR
Verkleidungsparty
FUESENT Wat seet Verkleeden iwwert eis Verhalen aus?

Firwat verkleede mer eis fir d‘Fuesent? Seet d’Verkleedung eppes iwwert eis Perséinlechkeet aus? A firwat verkleede verschidde Leit sech net gär?

FNR
Frau isst Fast Food
Junk Food Firwat schmaacht ongesond Iessen sou gutt?

Mr Science, ech si grad op Regime, mee all déi gesond Saache schmaache mer net esou gutt wéi ongesonder…dat ass voll onfair! Firwat schmaacht ongesond Iessen esou gutt?

FNR