© shotshop.com

Ëmmer méi Mënsche schwieren op d‘Intervallfaaschten: Si iessen nëmmen an engem Zäitfënster vun aacht Stonnen, da maachen si 16 Stonne laang Paus. Dat heescht: Entweder fält bei hinnen de Kaffi oder Owesiessen aus. Klengt onbequem, mee tatsächlech schwätzen e puer Argumenter dofir, mengt de Mr.Science.

Mr.Science, dës läscht wollt ech ee Kolleg fiert Iessen alueden, awer hie mécht Intervallfaaschten a verzicht elo op d'Owesiessen. Ass dat gesond?

Jo, wahrscheinlech schonn. Méi genee huet een dat awer bis elo just un Mais getest. Mais déi permanent iessen, kréien Diabetis, schlecht Liewerwäerter a gi méi séier al. Wann se awer nëmmen an engem bestëmmten Zäitfënster iessen, bleiwen se gesond- an dat, obwuel se an déier Zäit souvill iesse kënne wéi se wëllen.

Cool. Fonctionnéiert dat dann och bei Mënschen?

Et kann een dat unhuelen, well Mais en ähnleche Metabolismus hunn wéi d’Mënschen. Éischt kleng Studie weisen och bei Mënschen eng positiv Wierkung. Den Zockerspigel am Blutt normaliséiert sech, Entzündunge ginn zeréck, Liewerwäerter verbesseren sech. An Mënschen déi en bëssi ofhuele wëllen, fannen Intervalfaaschten dacks méi einfach wei ee Regimm- well eigentlech ginn et keng Saachen di verbuede sinn- et muss een sech just un d’Pausen halen.

Firwat kann sech faaschten sou positiv auswierken?

Eise Kierper ass optimal dorobber  virbereet. An der Steenzäit an an de Joerdausenden duerno waren sou Pause ganz normal. Villäicht braucht de Kierper sou Pause souguer. Studien un Mais hu gewisen datt sech d’Darmflora duerch déi méi laang Pause verbessert, an eng gesond Darmflora ass ganz entscheedend fir eis Gesondheet.

Ech mengen dat probéieren ech och emol. Wat muss ech maachen?

Net vill- Du muss dech just un deng Pause mam Iesse vu 16 Stonnen halen. Ech probéieren dat och grad, an et ass schonn eng Ëmstellung, mee et fillt sech awer bis elo mol gutt un.

Ofhuele mat Faaschten an Intervallen?

Beim Faaschten an Intervallen ziele keng Kalorië mee nëmmen d’Stonnen. Giess gëtt engem Zäitfënster vun aacht Stonnen am Dag, da gi 16 Stonne Paus gemaach. Vill Mënschen huelen doduerch ouni grouss Ustrengung e puer Kiloen of. Dofir soll een sech am erlaabten Zäitfënster gesond ernären- an sech net nëmme mat Fast Food voll stoppen. Et dauert e puer Wochen, bis een sech un dëse Rhythmus gewinnt huet. Verschidde Mënsche leen op Dauer och nëmmen zwee Deeg eng länger Paus mam iessen an.

Wat bewierkt Faaschten am Intervall am Kierper?

Bei enger Regimm stellt sech de Kierper mat der Zäit op manner Kalorien an. Soubal de Regimm eriwwer ass, hëlt e séier erëm bei, dat ass deen onbeléifte Jojo-Effet. Beim Faaschten an Intervallen kritt eise Kierper awer genuch Iessen, just net déi ganzen Zäiten. Dës laang Paus kierpt d’Fettverbrennung un, senkt de Bluttzockerspigel a verbessert mat der Zäit och eis Liewerwäert. Dat deet bal jidderengem gutt- nëmme Kanner, Schwanger Fraen oder Mammen déi hier Kanner niere sollten net faaschten. An wien un Diabetis oder ënner anere gesondheetleche Problemer leed soll virdru bei een Dokter goen.

Auteur: science RELATIONS
Editeur: Joseph Rodesch (FNR)
Iwwersetzung: Joseph Rodesch (FNR), Bidinger Jan
Foto: shotshop.com

Infobox

Mister Science op Eldoradio

All 2 Wochen beäntwert de Mr Science op Eldoradio eng Fro. Des Fro gouf an der Sendung vum 19.12.2018 beäntwert.