(c) Victorgrigas

Schold si komplex Zockerketten

A Bounen, Lënsen an aner Hülsenfrüchte si vill komplex Zockerketten dran. Verschiddener dovu kritt eise Kierper net selwer verdaut, an déi ginn da mat bis an den Déckdaarm transportéiert. Do stoussen se op Bakterien, eis Daarmflora, déi déi Zockeren zersetzen an eis esou hëllefen Nährstoffer erauszefilteren. A beim Zersetzen entstinn nu mol Ofgasen!

Sinn déi onverdaulech Zockerketten da just an deenen Hülsenfrüchte?

Déi sinn och a villen aner Liewensmëttel, just manner. An dofir entsti beim Zersetzen och manner Ofgasen, sou dass et eis net opfält.

Dat huet een also dovu wann een eng gutt Lënsenzopp ësst!

Du kanns dat awer schonn e bësse kontrolléieren! Eng gesond Daarmflora ka schonn duergoen, fir dass net ze vill där sténkeger Gasen entstinn. Verschidde Gewürzer, wéi Kümmel oder Fenschel  zum Beispill, hëllefen och, fir de Gas ... loosse mer soen „diskret ze evakuéieren“.

Manner peinlech, mee fuerze muss een awer nach!

Ma verschidde Studien hu gewisen, dass ee vu Bounen oder Lënsen, déi an enger Waasser-Bakpolver-Mëschung loungen, manner fuerzt!  An deem Fall verschwënnt nämlech dee gréissten Deel vun onverdaulechen Zockerkette scho beim kachen! Déi Aarbecht huet deng Daarmflora manner, an et entstinn och manner Ofgasen. Wéi genee Bakpolver dat fäerdeg bréngt ass de Fuerscher awer nach e Rätsel!

An et ass eigentlech jo och blöd dass dat engem peinlech ass. Fréier soll fuerzen nämlech e Kompliment un de Gaaschtgeber respektiv de Kach gewiescht sinn!

Auteur: Corinne Kroemmer
Editeur: Jerry Wagener
Foto: © Victorgrigas

Infobox

Fuerschung zu Lëtzebuerg

 

D’Daarmflora besteet aus verschiddene Bakterien, déi an eisem Déckdaarm Liewensmëttel zersetzen déi mir selwer net verdaut kréien. Op des Manéier hëlleft si eis, fir méi Nährstoffer erauszefilteren a gesond ze bleiwen. Eis Gesondheet hänkt also vill vun eiser Daarmflora an eiser Ernierung of!
Wéi genee déi dräi Saachen zesummenhänken, dat ass awer nach net ganz kloer. D’Ines Thiele hëlt dat Thema dofir mat senger Fuerscherequipe ënnert d’Lupp, an zwar mat Hëllef vu performante Computeren a komplizéierter Software, an awer och duerch Experimenter an Date vu Patienten. A wee weess, vläit wësse mer wierklech geschwënn wéi mer duerch eis Ernierung gezielt Krankheete kenne verhënneren oder esou guer heelen!

 

Wie Wissenschaft funktioniert Was weiß die Wissenschaft? Wissenschaftliche Evidenz in Pandemie-Zeiten

Masken, Übertragung, AstraZeneca-Empfehlungen: Wissenschaftliche Evidenz kristallisiert sich meistens aus einem kontinui...

Porträt „Eine Errungenschaft für Luxemburg und unsere Forschungsgruppe“

Wissenschaftler des Luxembourg Institute of Health (LIH) wurden mit einem Prix Galien für ihren herausragenden Beitrag z...

LIH
Kribbeln im Fuß Wie können Füße einschlafen?

Mein Fuß ist eingeschlafen. Die Hand kribbelt beim Aufwachen. Was ist da los ?

FNR

Auch in dieser Rubrik

Pisa Summerchallenge Wéi geet et der Uelzecht?

Wou entspréngt se, firwat ass se sou sténkeg, a wat gëtt gemaach fir den Zoustand ze verbesseren?

FNR
Téin géint de Stress! Léisst sech e Stau mat Musek besser erdroen?

Ob um Wee op d'Aarbecht oder an d'Vakanz: D'Waarden an engem Stau ziert un den Nerven. Hëlleft Musek géint de Stress? A wa jo, wéi eng?

FNR
Gebuertsdag A wéi engem Mount hunn déi meescht Leit Gebuertsdag?

All Dag komme Kanner op d'Welt. Mä an ewéi engem Mount hunn eigentlech déi meescht Leit Gebuertsdag?

FNR