Luxembourg Science Center

Video Nr.1: Kann ee selwer testen, ob ee sech mam Coronavirus infizéiert huet?

Mir sinn all vun der SARS-Coronavirus-2-Pandemie betraff a sécherlech huet jiddereen, ob Grouss oder Kleng, vill Froen zum Thema. Wéi gutt, dass een haut des Daachs ob bal alles eng Äntwert am Internet fënnt, oder net? D‘Informatiounsflut zum Thema Coronavirus feiert net nëmmen dozou dass fundéiert Fakte verbreet ginn, mee leider och vill Quatsch. Wéi awer mëscht een den Ënnerscheed?

Kuerz Videoe solle beim Anuerdne vun Informatiounen hëllefen

Dofir huet de Luxembourg Science Center elo d‘Coronavirus Mythbusters an d’Liewe geruff. Am Kader vun dësem Projet gräift d´Equipe aktuell Noriichten zum Thema Coronavirus ob an äntwert ob d Fro: Fake oder Fakt? Fir der Saach op de Grond ze goe baséieren d’Team vun de Mythbusters sech op den aktuelle Stand vun der Wëssenschaft a schaffen an Zesummenaarbecht mat lëtzebuergeschen an auslänneschen Dokteren a Wëssenschaftler.

Ausserdeem ka jiddereen sech mat senge Froen och direkt un d´Mythbusters wenden, déi sech dann ob d´Sich no enger fundéierten Äntwert maachen (mythbusters@science-center.lu). Dës gëtt da reegelméisseg a Form vu Videoen ob de Facebook an Youtube-Säite vum Science Center verëffentlecht. Den Ament plangt d’Equipe vun de Mythbusters dräi mol d’Woch e Video ze verëffentlechen (op Lëtzebuergesch).

Éischte Video iwwert Selbsttest

An hirem éischte Video ginn d´Coronavirus Mythbusters dem Coronavirus-Self-Test op d´Spuer: Packt een et 10 Sekonne laang den Otem unzehalen ouni ze houschten schléisst dëst eng Infektioun mam Coronavirus aus. Ob dat stemmt? D´Mythbusters hunn d´Äntwert ...hei de Link op de Video (YouTube-Säit vum Science Center). 

Auteur: Luxembourg Science Center
Editeur: Michèle Weber (FNR)

Infobox

Wee sinn d’Mythbusters aus dem Luxembourg Science Center?

D’Coronavirus-Mythbusters Team besteet aus de Médiateurs scientifiques vum Luxembourg Science Center zu Déifferdeng. Normalerweis sinn si am Science Center do, fir Eech duerch déi experimentell Statiounen ze begleeden, Eech mat enger spektakulärer Wëssenschafts-Show ze begeeschteren, oder schaffen un neie, spannenden Iddie wéi si d’Welt vun den Naturwëssenschaften engem net-spezialiséierte Public op interaktiv a liicht verständlech Manéiere iwwermëttele kënnen. Wéinst der aktueller Covid-19 Situatioun ass de Science Center awer den Ament zou fir de Public – an sou huet d’Equipe sech geduecht, an där Zäit des Mythbusters-Video-Serie op d’Been ze stellen. D’Wëssensvermëttler aus dem Science Center hu quasi alleguer e wëssenschaftleche Background, d.h. si hu meeschtens eng Naturwëssenschaft studéiert an deelweis souguer Doktorat gemaach.  Vereenzelter vun hinne kommen och aus dem Educatiounssecteur. D´Coronavirus Mythbusters ginn iwwert de PSP-Classic Projet "ScienceAlert" vum Fonds National de la Recherche, Luxembourg (FNR) matfinanzéiert.

Auch in dieser Rubrik

Coronavirus
Coronavirus vaccine Survey: Will you get vaccinated for Covid-19?

Take part in this survey and help us and researchers from Luxembourg to understand what your attitude towards the coronavirus vaccine is - and how you perceive communication on the subject.

FNR
Coronavirus-Impfstoff Umfrage: Werden Sie sich gegen Covid-19 impfen lassen?

Nehmen Sie an dieser Umfrage teil und helfen Sie uns sowie Forschern aus Luxemburg zu verstehen, was Ihre Einstellung zum Coronavirus-Impfstoff ist und wie Sie die Kommunikation zum Thema wahrnehmen.

FNR
Foto- und Videoreise durch die vergangenen Editionen Researchers' Days: ein Rückblick

Die diesjährige Auflage der Researchers' Days musste leider aufgrund der aktuellen Covid-19-Pandemie abgesagt werden. Hier ein paar Foto- und Videoimpressionen von den vergangenen Jahren.

FNR