Diät

Pixabay (Bruno Glätsch)

Gëtt et ee Wonner-Regime?

Iesse wéi de Steenzäitmënsch oder speziell zesummegemixte Polver iessen? D'Offer u Regimmer ass risegrouss, awer wéi een ass wëssenschaftlech getest a funktionéiert? 

De beschte Regime ass deen, deen ee laangfristeg duerchhält an deen net zu Mangelerscheinunge féiert.

Dat kléngt elo net sou immens....

Dat ass awer tatsächlech d'Resultat vu villen Etüden. Et gëtt tatsächlech kee Wonner-Regime. Egal wéi ee Regime d'Wëssenschaftler ënnersicht hunn: zum Schluss war ëmmer de gréisste Problem, dass d'Participanten net duerchgehalen hunn an no Ofschloss vum Regime erëm zougeholl hunn.

Et gouf zwar vill Regimmer, mat deenen ee séier e puer Kilo ofhuele kann. Awer déi sinn allerhéchstens fir den Ufank sënnvoll, fir datt een direkt en Erfollegerliefnis huet. Wann een awer op Dauer manner op d'Wo brénge well muss ee säi ganze Liewensstil ëmstellen.

Wat heescht dat konkret? 

Op där enger Säit méi bewosst iessen, also net ze vill an equilibréiert. Well schlussendlech ass et eng Fro vum Energiebilan: et däerf een net méi Energie mam Iessen zou sech huelen, wéi ee verbraucht. Wann een dat well hikréien, muss ee säi ganzt Verhalen ëmstellen an dat ass net einfach. Dobäi kënnen awer zum Beispill Dieteticiennen hëllefen oder mëttlerweil och Appen. Hei geet et zum Beispill drëms, genuch Beweegung an den Alldag z'integréieren. Dat kënne kleng Saachen si wéi Rolltrapen a Lifter evitéieren, oder méi grouss Efforte wéi mam Vëlo amplaz mam Auto op d'Aarbecht fueren. Da soll ee Waasser amplaz séiss Jus'en drénken a léieren, sech genuch Zäit fir z'Iessen ze huelen. An et soll een sech natierlech net eng zweete Kéier den Teller fëllen. Et gi vill kleng Schrëtt, déi zesumme wierken. Am Ufank gëtt een zum Beispill vun enger App mat Kontroll a Luef bei der Staang gehal, bis déi nei Gewunnechte selbstverständlech gi sinn. Fuerscher konnte weisen, datt een sou op Dauer 5 bis 10 Prozent vu sengem Gewiicht reduzéieren an dat virun allem och hale kann.

De Jojo-Effekt

Wann ee mat engem drastesche Regime manner Energie iwwert d'Iessen zou sech hëlt, stellt sech de Kierper dorop an: e reduzéiert seng Demande un Energie a baut eventuell souguer Muskelen of. Well déi brauchen och am Rouzoustand Energie. Wann een dann no enger gewësser Zäit de Regime net méi duerchhält, well se ze monoton ass oder een an seng al Iessgewunnechten zréckfält, liwwert een dem Kierper erëm déi ursprénglech Quantitéit un Energie. Well deen awer wärend dem Regime seng Demande erofgeschrauft hat, setzt een elo besonnesch séier Fett un. Dann erféiert een, well een immens séier erëm bäigeholl huet, an et reagéiert ee mat dem nächste Regime. Sou kann ee mat der Zäit souguer méi déck ginn, wéi wann ee guer net mat engem Regime ugefaangen hätt..

Auteur: Ingo Knopf/scienceRELATIONS
Iwwersetzer an Editeur: Michèle Weber/FNR

Infobox

Mr Science op Eldoradio

All 2 Wochen beäntwert de Mr Science op Eldoradio eng Fro.

Auch interessant

Neuer Ansatz in der Krebsforschung Richtige Kombination aus Ernährung und Bakterien hemmt das Krebswachstum

Forscher der Universität Luxemburg haben einen Weg gefunden, der die Wirksamkeit von Chemotherapien steigern und ihre Ne...

Schmanteg Firwat fält Schlagsahn esou séier erëm a sech zesummen?

Firwat ass et esou schwéier, déi perfekt Schlagsahn ze zerwéieren? Knapps geklappt, fält se dacks erëm a sech zesummen. ...

FNR
Studienteilnehmer gesucht Erforschung eines Trainings zur Reduktion von Essgelüsten

Kann ein kurzes, computerbasiertes Training Essgelüste reduzieren und das Essverhalten positiv beeinflussen?

Auch in dieser Rubrik

Bio-Plastiktüte
“Zero Waste” Si Bioplastikstute gutt fir d’Ëmwelt?

Konventionell Plastikstute sollen ofgeschaaft ginn. Oder duerch Tuten aus Bioplastik ersat ginn. Mee Mr Science, ass dat eng besser Léisung?

FNR
Frau vs Mann
Ënnerscheeder tëscht Geschlechter Gëtt et en Ënnerscheed tëscht Fraen- a Männergehierer?

Mr. Science, den X oder Y deen d’Fraë vu Männer an de Chromosomen, also an eise Genen ënnerscheeden, spigelt sech dëse klengen Ënnerscheed och am Gehier erëm?

FNR
Insekten Auto
Insektestierwen Firwat peschen ëmmer manner Insekten op der Autosfënster?

Säit e puer Joer ass d'Insektestierwen e grousst Thema. Et kurséieren dramatesch Zuelen iwwert d'Verschwanne vun de klenge Krabbel- a Flugdéieren. Wéi schlëmm gesäit et fir si aus?

FNR