Goodyear

De Goodyear STEM Student Challenge ass geduecht vir de Lycée’s-Schüler Science, Technology, Engineerswiesen a Mathe (STEM) Prinzipien méi no ze bréngen.

10 Equippen aus 9 Lycéeën haten sech vir déi éischt Editioun vum Goodyear STEM Student Challenge ageschriwwen. 7 dovun hunn et mat hirer Maschinn bis an d’Finall gepackt, déi den 9. Juli am Lycée Edward Steichen zu Klierf wäert stattfannen.

Parallel dozou organiséiert de Lycée och déi 8. Editioun vum Makerfest, sou datt et net nëmmen eng live Demonstratioun vun den eenzele Maschinnen ze bestaune gëtt, mee och eng sëllechen Atelieren a Workshoppen déi zum matmaachen animéieren.

Wat ass de Goodyear STEM Student Challenge?

De Goodyear STEM Student Challenge ass geduecht vir de Lycée’s-Schüler Science, Technology, Engineerswiesen a Mathe (STEM) Prinzipien méi no ze bréngen. D’Aufgab vun dëser éischter Editioun huet dodra bestanen eng clever Maschinn ze bauen déi et erlaabt 10 Model Pneue mat engem Goodyear Loftschëff op eng indirekt an iwwerdriwwe komplizéiert Aart-a-weis ze transportéieren.

Wéi war d’Resonanz, a wat ass beim Challenge erauskomm?

E kuerzen Appetizer-Video vun den eenzele Projet’en ass hei driwwer.

Déi komplett Video’en vun all de Maschinnen an Aktioun fannt dir hei:

D’Gewënner vun dëser éischter Editioun vum Goodyear STEM Student Challenge ginn den 9. Juli am Lycée Edward Steichen zu Klierf deklaréiert, no enger leschter Evaluatioun vun de Maschinnen duerch a multifunktionale Jury. Heizou gehéiere Representanten vun der ANEIL (Association Nationale des Etudiants Ingénieurs Luxembourgeois), Da Vinci (Association of Engineers, Architects, Scientists and Industrials Luxembourg), der FEDIL (The Voice of Luxembourg’s Industry), dem FNR (Fonds National de la Recherche), LIST (Luxembourg Institute of Science and Technology), dem Luxembourg Science Center, der Uni Lëtzebuerg, an natierlech och der Goodyear.

Wat hunn déi eenzel Gruppen beim Challenge geléiert?

Hei e puer Feedback-Auszich vun de Schüler:

„Et ass impressionnant wat een alles mat einfachste Materialien ka maachen.“

„Mir waren der Meenung Science, Technology, Engineerswiesen a Mathe wieren nëmmen theoretesch Fächer. Lo hu mir erausfonnt wei mir all des Saachen och praktesch kënnen uwenden.“

„Wat mir méi Zait un onser Maschinn geschafft hunn, wat mir och besser an der Schoul opgepasst hunn, well mir endlech mol gesinn hunn firwat mir all des physikalesch Gesetzer musse léieren.“

Och d’Proffen hunn en Ënnerscheed am Verhalen vun hire Schüler gesinn:

„D’Schüler fänken un Wëssenschaft an allem ze gesinn, mam Resultat datt si sech méi vir hiert Ëmfeld interesséieren.“

Kann ech bei der Finall den 9. Juli mat derbäi sinn?

Jo, jiddereen ass wëllkomm bei der Finall vum Goodyear STEM Student Challenge mat derbäi ze sinn! Rendezvous ass den 9. Juli am Lycée Edward Steichen zu Klierf. All d’Maschinne ginn hei live an Aktioun gewisen, an déi lescht Punkten vun engem multifunktionalen Jury verdeelt. Dat ganzt huet säin Héichpunkt am spéide Nomëtten mat der Präisiwwerreechung un d’Gewënner vum Challenge.

Den 8. an 9. Juli fënnt och déi 8. Editioun vum Makerfest am Lycée Edward Steichen statt, mat Atelieren a Workshoppen vir jiddereen. Déi perfekte Platz also vir d’Schouljoer 2018/2019 ofzeschléissen! Méi Informatiounen zum Makerfest fannt dir ënner http://lesc.makerspace.lu.

Auteur&Video: Goodyear

Auch in dieser Rubrik

social distancing
CORONAKRISE Umfrage "Social Distancing": Wie viele Kontakte haben wir im Durchschnitt pro Tag?

Du willst einen Beitrag zur Corona-Krise leisten? Mach mit bei der Umfrage und hilf Forschern herauszufinden, wie sich unsere sozialen Interaktionen und Kontaktmuster während der Pandemie ändern.

CORONAVIRUS CRISIS Survey about "social distancing": What is our average daily contact with others?

You would like to help combat the current coronavirus-crisis? Take part in this survey and help researchers to find out how our social interactions and contact patterns change during the pandemic.

Science Writing Competition 2021 Tracking Air Pollution in Luxembourg from Land & Space

A world first, researchers combine advanced satellite capabilities with newly invented mobile sensors atop Luxembourg buses to monitor and collect countrywide data on air pollutants.