Et war dem Henry Ford säin éischt, grousst Patent: eng Gangschaltung, virun iwwer 100 Joer. Dat war deen éischte Schrëtt an der Entwéckelung vum Auto, wéi mir en haut kennen.

Et war dem Henry Ford säin éischt, grousst Patent: eng Gangschaltung, virun iwwer 100 Joer. Dat war deen éischte Schrëtt an der Entwécklung vum Auto, wéi mir en haut kennen.

Dem Henry Ford säin Zil war et, fir en Auto ze bauen, dee jidderee sech kéint leeschten. Mee de Ford huet net nëmmen d’Mechanik vum Auto revolutionnéiert, mee och de ganzen Hierstellungsprozess. Duerch eng Masseproduktioun um Lafband ass de Präis vun engem Ford T bannen 3 Joer vu bal 1000 $ op knapp 300 $ gefall, an all 24 Stonnen ass et neien Auto vum Lafband gerullt! Seng Aarbechter hunn och bal duebel esouvill verdéngt, an hate Schichte vu just 8 Stonnen, anstatt 9.

Mat sengem Ford T huet de Ford also net nëmmen d’ganz Autosindustrie op Trapp gehal, mee och d’Gesellschaft verännert an d’Economie ugekuerbelt. D’Viruerter rondrëm de Stied hu sech nämlech séier entwéckelt, d’Leit si gereest, et hu misse Stroosse gebaut ginn an esou weider an esou fort !

Text: Corinne Kroemmer

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Auch in dieser Rubrik

 Naturschutz am Gaart Ass en Insektenhotel gutt oder schlecht?

Mr Science, iwwerall stinn dës Insektenhoteller mat Äscht a Bambusréiercher, an deenen Insekten niste sollen. Sinn déi eigentlech wierklech sënnvoll fir den Insekteschutz?

FNR
Examen Stress
En eidele Kapp Wat maache bei engem mentale Blackout?

D'Virbereedung op eng Prüfung kann nach esou gutt sinn. Wann et drop ukënnt, dann ass de Kapp heiansdo komplett eidel. Wat kann ee géint esou e Blackout maachen? A firwat geschitt dat iwwerhaapt?

FNR
Gediechtnes Firwat léiert ee Songtexter méi einfach ewéi Physiksformelen?

Mr Science, wann ech e Lidd eng Kéier héieren, kennen ech de Refrain direkt auswenneg. Firwat verhalen ech d'Songtexter esou einfach, woubäi ech mat thermodynamesche Formelen ëmmer hu misse kämpfen?

FNR