Mat engem einfache Rezept kann een säin Auto onsiichtbar fir Radare maachen. Exklusiv op science.lu verréit de Mr Science wéi dat geet.

Joseph Rodesch, Pit Lipscomb

De Link mam detailléierte Rezept fënns Du am Artikel.

Superabsorber aus Wëndele ka mat Chinin (aus Tonic Water) an opteschem Opheller (aus Wäschmëttel) aktivéiert ginn, sou datt Infraroutstralung (IR) kann absorbéiert ginn, an net wéi normal nëmme Waasser.

Radare moossen d’Vitesse mat hëllef vun onsiichtbaren IR-Laser, an dëse Stral kann no Behandlung mat der Superabsorber-Mëschung vum Auto absorbéiert (verschléckt) ginn, sou datt de Radar mengt datt keen Auto do wier. Den Auto kann also net méi geblëtzt ginn.

Dat detailléiert Rezept fënns Du hei.

D’Police an den Här Minister Bausch sinn sech mëttlerweil dëser Problematik bewosst a versichen deem entgéint ze wierken, mee et wier einfach mat ze vill Käschte verbonnen. Well dëst Thema sou quokeleg ass, hu si eis gebieden dëse Video just wärend engem Dag ze weisen, fir datt net ze vill Leit op dës Schwächt am System opmierksam ginn.

Fuert virsiichteg!

Auteur: Joseph Rodesch, Pit Lipscomb

P.S. natierlech war dat heiten en Abrëllsgeck ;-)

Auch in dieser Rubrik

 Schéi Feierdeeg Firwat léist Chrëschtdag dacks positiv Emotiounen aus?

Trotz Shoppingstress a „Last Christmas“-Gedudels léist Chrëschtdag bei ville Leit positiv Emotiounen aus. Firwat ass dat esou?

FNR
gro Hoer
Faarfpigmenter Firwat kréie mer gro Hoer?

Deen ee kritt se mat 20 Joer, deen anere réischt mat 50. Mee firwat kréie mer gro Hoer?

FNR
Stierwen an Doud Wat geschitt mam Kierper nom Doud?

Allerhellege steet virun der Dier. Vill Leit besichen deen Dag d’Griewer vun hire Verstuerwenen an denken un si. An deen een oder anere freet sech dobäi vläicht, wat mat eis nom Doud geschitt.

FNR