Den 28. Januar huet e Patent vum Louis Pasteur Gebuertsdag, an zwar kritt et haut 140 Joer. An esou vill weess ech schonn : et ass net d’Entwécklung vun engem Impfstoff géint Tollwut an et huet och ...

Inspirational Artworks. Edelfelt portraits (via Wikimedia Commons)

Portrait vum Louis Pasteur

Nee, de Louis Pasteur huet dee gréissten Deel vu sengem Liewen domat verbruecht fir de Gärungsprozess ze studéieren an ze optimiséieren. An elo kanns de der vläit schonn denke wéi ee Patent haut Gebuertsdag huet : d’Art a Weis fir Béier ze brauen sou wéi mir en haut kennen !

Béier gëtt et quasi schonn esou laang wéi et d’Mënschheet gëtt ! U sech ass dat also elo näischt Neies. Mee hien huet d’Art a Weis fir Béier ze ma revolutionnéiert a beim Gärungsprozess näischt méi dem Zoufall iwwerlooss. Hien huet z.B erausfonnt datt de Gärungsprozess besser funktionéiert wa kee Sauerstoff dru kënnt, an hie war deen deen de Brauvirgang an engem zouenen System entwéckelt huet. Esou huet en d’Entwécklung vun all deene leckere Béierzorten eréischt erméiglecht. Merci Louis!

Text: Corinne Kroemmer
Foto: Inspirational Artworks. Edelfelt portraits

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Auch in dieser Rubrik

 Naturschutz am Gaart Ass en Insektenhotel gutt oder schlecht?

Mr Science, iwwerall stinn dës Insektenhoteller mat Äscht a Bambusréiercher, an deenen Insekten niste sollen. Sinn déi eigentlech wierklech sënnvoll fir den Insekteschutz?

FNR
Examen Stress
En eidele Kapp Wat maache bei engem mentale Blackout?

D'Virbereedung op eng Prüfung kann nach esou gutt sinn. Wann et drop ukënnt, dann ass de Kapp heiansdo komplett eidel. Wat kann ee géint esou e Blackout maachen? A firwat geschitt dat iwwerhaapt?

FNR
Gediechtnes Firwat léiert ee Songtexter méi einfach ewéi Physiksformelen?

Mr Science, wann ech e Lidd eng Kéier héieren, kennen ech de Refrain direkt auswenneg. Firwat verhalen ech d'Songtexter esou einfach, woubäi ech mat thermodynamesche Formelen ëmmer hu misse kämpfen?

FNR