Wisou kréie Männer eng Morgenlatte?

D’Morgenlatte begleet Männer hiert ganzt Liewen. Dreemen se beim waakreg ginn ëmmer vu Sex – oder ginn et aner Grënn fir d’Erektioun am Mueren? 

Fuerscher huelen un, dass et méi Grënn fir d’Erektioun vun engem Penis moies gëtt. Am wichtegsten ass wuel eng verstäerkten Duerchbluddung vum Kierper, mat där den Tissu gebotzt gëtt. Dat geschitt an enger Schlofphase kuerz virum waakreg ginn, an där mer ganz intensiv dreemen.

Ech hunn awer net d’Gefill, dass ech besonnesch oft vu Sex dreemen, wann de Wecker schellt.

De Contenu vun den Dreem spillt och keng Roll. Vill méi wichteg ass d’Intensitéit, mat där mir an där Schlofphase kuerz virum waakreg ginn dreemen. Wëssenschaftler bezeechnen des Phase als REM-Phase. D’Ofkierzung ass englesch a steet fir Rapid Eye Movement – also séier Aenbeweegungen. Eis Aen zucken dann hin an hier, well mer sou intensiv dreemen.

An wat hunn Aenzuckunge mat der Erektioun ze dinn?

Bei de staarken Dreem an der REM-Phase échaufféieren sech sou munch Organer an eisem Kierper. D’Zucke vun den Aen ass een Zeechen dofir. Wichteg ass, dass d’Duerchbluddung an eisem Kierper dann immens intensiv ass. Dat gëllt fir d’Liewer genee sou wéi fir de Schwellkierper vum Penis. De Penis gëtt dann eebe steif.

An des staark Duerchbluddung botzt de Kierper ...

Genee! D’Blutt transportéiert d’Oofbauproduiten an d’Schuedstoffer aus den Organer eraus. Sou eng Botzaktioun ass iwwregens an all Liewensalter noutwenneg. Dofir kréien och männlech Puppelcher an al Bopie moies eng Erektioun, och wann des Männer sexuell net aktiv sinn. Dat weist eis: Sexuell Fantasie sinn net de Grond fir d’Erektioune Moies. Meeschtens zumindest.

Auteur: sciencerelations
Editeur: Jean-Paul Bertemes (FNR)
Traducteur: Sophie Steinmetz
Photo: Shotshop