(c) Zephyris

Et ass keng Schmugglerei am Spill, an och keng kromm Bankgeschäfter! Et sinn d’Frontalieren, déi all Dag op Lëtzebuerg schaffe kommen, déi Owes iwwer 60 kg Gold mat heem huelen. Mee keng Angscht, si bréngen se och moies nees mat!

Wéi? Wisou huelen déi da Gold mat?

Si lafen natierlech net mat Goldbarre rondrëm. Mee an allen elektronesche Geräter, Smartphone, PC & Co, gëtt Gold an aner Edelmetaller an den elektresche Circuite verschafft! D’SIM-Kaart zum Beispill ass aus Gold, grad esou wéi de Kontakt tëscht der Batterie an dem Handy.

Krass! A mir geheien dat Gold herno einfach mam Handy oder PC ewech?

Jo, oder du recycléiers! Et gi Firmen, déi doran spezialiséiert si fir Edelmetaller raushuelen, sou wéi Gold, Sëlver oder Koffer. Dat ass zimlech interessant, well Gold ass méi einfach aus den Handyen ze huelen, wéi aus de Goldminnen ze extraktéieren. Och wa just 0,02 g Gold an engem Handy sinn, läppert et sech zesummen!

Wéi kriss de dann sou kleng Quantitéiten do raus?

Déi wäertvollst Saachen am Handy sinn d’Edelmetaller. An déi heeschen net fir näischt esou! Déi sinn nämlech ze edel fir mat iergendeppes ze reagéieren. Déi léise sech also net a Séier op, a verbrennen och net. Du kriss déi also relativ liicht do raus, och wann de Prozess net ganz ëmweltfrëndlech ass!

Auteur: Corinne Kroemmer

Foto : © Zephyris

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

Auch in dieser Rubrik

Mullen
Et kënnt op den “r” un Firwat fänkt d'Mullesaison am September un?

Am Hierscht sti se nees an de Restauranten op der Kaart: Mullen. Mä firwat kommen d'Muschelen eréischt am September nees op den Dësch?

FNR
Zero Waste
Eng Welt ouni Offall Wat bréngt “Zero Waste“?

Duerch bewosste Konsum, schounenden Ëmgang mat Rohstoffer a virun allem Offallvermeidung wëll Zero Waste hëllefen, eis Ëmwelt ze retten. Wéi relevant ass des Beweegung? A wat funktionéiert?

FNR
Tokyo 2021
Olympesch Summerspiller zu Tokio Wéi vill Sport ass gutt fir eise Kierper?

Den 23. Juli fänken d'Olympesch Spiller a Japan un. Fir eng Medail ginn d'Athleten un hir Grenzen. Wat bedeit dat fir de Kierper?

FNR