Luxembourg LGBTIQ+ Panel

Wëllkomm um Luxembourg LGBTIQ+ Panel !

Bass du Member vun der LGBTIQ+ Community? Hues du Loscht zesummen nozedenken, ze diskutéieren an Erfarungen an Iddien iwwer queer sinn zu Lëtzebuerg an an der Grenzregioun ze deelen? Dann maach bei eise Fokusgruppen mat.

Eng Fokusgrupp ass eng kollektiv a strukturéiert Diskussioun mat bis zu 8 Leit aus der LGBTIQ+ Community. All Fokusgrupp huet een Thema an dauert max. 1h30. All Mënsch aus der Community ab 16 Joer ka matmaachen. D’Ekipp vum LEQGF ass als Facilitatrix dobäi a leed duerch d’Diskussioun – mir lauschteren iech no ! Dir hutt d’Wuert, dir zielt eis wat är aktuell Erfarungen an Erwaardungen zum Thema sinn.

*****

Focus Group #6 "Queer Jugend am ländleche Raum <27 Joer" (LU)

Zilpublikum: Queer jonk Mënschen bis 27 Joer, déi nach an d'Schoul ginn, eng Léier maachen oder scho schaffen

De 6te Fokusgrupp fënnt de 5. Juli 2024 zu Ettelbréck am Jugendhaus (5 Rue de l'Ecole Agricole, L-9016 Ettelbruck) statt.

Déi genau Auerzäit gëtt nach bestätegt.

Umeldung iwwert eise Formulaire ass Pflicht : https://www.lgbtpanel.lu/registration-fg

Dëse Fokusgrupp gëtt gehosted vum Ettelbrécker Jugendhaus a vum Jugendinfopunkt (JIP) Ettelbréck. Et gëtt och Snacks a Gedrénks.

*****

Méi Informatiounen iwwer de Projet : www.lgbtpanel.lu

Méi zum LEQGF : www.leqgf.lu