25ten Juli 1978: Den éischten Dominostee vun der kënschtlecher Befruuchtung fällt.
D’Louise Brown ass d’Resultat vun där éischter erfollegräicher kënschtlecher Befruuchtung. Domat féiert net nëmmen hatt des Woch säin 34te Gebuertsdag, mee och d’in vitro Befruuchtung. Säit 1978 dréit d’Fuerschung an dësem Beräich esou séier Friichten dass mer hautesdaags eng ganz Panoplie vun Techniken zu eiser Verfügung hunn. Zum Beispill kennen Embryoen an der Tëschenzäit agefruer ginn ier se benotzt ginn, oder se kennen op genetesch Krankheeten analyséiert ginn. D’Fortschrëtter vun deene leschten 10 Joer erméigleche ville Koppelen hier Onfruuchtbarkeet z’iwwerbrécken, der Natur d’Zong erauszestrecken an trotzdem eng Famill ze grënnen.
Der Natur d’Zong erausstrecken…. sinn déi Techniken ethesch gesinn dann ok ?
Do ginn et zimlech grouss Diskussiounen, zëmools wat d’Analyse vu genetesche Krankheeten ugeet. Ech iwwerdreiwen elo bëssen, mee den Dokter ka jo wierklech de perfekten Embryo eraussichen an implantéieren. An der Natur funktionéiert dat jo awer anescht!
Kann dann egal ween eng kënschtlech Befruuchtung man?
Hmm, nee. Et hänkt dervun of firwat dass de um natierleche Wee keng Kanner kanns kréien. A verschiddene Fäll kennt just Adoptioun a Fro.
Text: Corinne Kroemmer
Infobox
1mol d'Woch présentéiert de Mister Science op RTL Radio d'Erfindung oder den Entdecker vum Daag.
