Wann ech d’ganz Waasser op der Welt kéint an eng 4-Liter Fläsch schëdden, da wier just een Zoppeläffel dovun Drénkwaasser!

(c) GoodOlga/Shotshop

Wann ech Zauberer wier an d’ganz Waasser op der Welt kéint an eng 4-Liter Fläsch schëdden, da wier just een Zoppeläffel dovun Drénkwaasser! Also knapp 12 ml vu 4 Liter Waasser kéint ech tatsächlech drénken!

Wisou da just esou wéineg? Et muss dach méi Séisswaasser ginn ewéi dat!

Just 3% vun allem Waasser ass Séisswaasser. Ma dat meescht dovunner ass an der Antarktis als Äis gefaang. Du kanns et also net direkt drénken, dofir zielt et net zum Drénkwaasser. Du kéins et natierlech schmëlzen, mee dat ass esou opwenneg, dass dat och net vill Sënn mécht! Dofir sinn am Endeffekt just 0,3 % vum Waasser op der Äerd drénkbar.

Ok, mee wann ech awer kucke wéivill et bei eis reent, da muss et jo awer eigentlech vill Drénkwaasser ginn, an de Flëss zum Beispill?

Do hues de Recht mee 0,3 % vum ganze Weltwaasser ass jo nach vill. Ma mir sinn awer hei zimlech verwinnt mam Drénkwaasser, mee dat ass jo net iwwerall op der Welt esou. A mir benotzen Drénkwaasser och fir e ganze Koup aner Saachen, wéi zum Beispill fir ze netzen, ze duschen, op der Toilette Waasser ze zéien an esou weider. Sou dass ënnert dem Stréch och net esou vill Drénkwaasser fir ze dréncken iwwereg bleift!

Auteur: Corinne Kroemmer

Foto © GoodOlga/Shotshop

 

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

 

 

Quellen:

Auch in dieser Rubrik

 Summerzäit Wat sinn d’Vir- an Nodeeler vun der Zäitëmstellung?

Zweemol am Joer stelle mir d’Auer ëm – am Fréijoer an am Hierscht. Vill Leit froen sech: Firwat maache mir dat eigentlech? A bréngt d’Summerzäit wierklech Virdeeler, Mr Science?

FNR
Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR