Wäiss Kondenssträifen um Himmel: An der Chamber gouf vrun 3 Wochen eng Pétitioun géint Chemtrails deposéiert. Wat si Chemtrails? A si se schiedlech?

Wikimedia Commons

Wäiss Kondenssträifen um Himmel sinn harmlos Äiskristaller

An der Chamber gouf vrun 3 Wochen eng Pétitioun géint Chemtrails deposéiert. Dat sinn déi wäiss Kondenssträifen, déi d‘Fligeren um Himmel hannerloossen. Den Auteur vun der Pétitioun mengt datt dës absichtlech provozéiert ginn, fir d’Sonnenastrahlung ze schwächen a gëfteg Substanzen op der Äerd ze verspreeën. Stëmmt dat?

Also déi Kondenssträife gëtt et schonns, zanter et d’Fliigerei gëtt – an dobäi handelt et sech em harmlos Äiskristaller. Aus de Fligerdüse kënnt nämlech CO2 a Waasserdamp raus. A wëll et do Uewe sou kal ass, fréiert de Waasserdamp direkt – a mir gesin eng Stréchwollek.

Ma den Auteur vun der Petitioun seet, déi géifen op verschidden Deeg extrem laang um Himmel ze gesi sinn. Wéi kënnt dat dann?

Ma dat hänkt vum Wieder of. Wann eng héich Loftfiichtegkeet ass, kënnen dës Sträife méi laang erhale bleiwen – a wa bësse Wand ass kënnen se extra Forme bilden.  

Sinn dann net nach aner Substanzen an deene Wolleken?

Dach, bei enger Verbrennung entsteet och ëmmer bëssen Dreck. Dat kenne mer vum Auto. Mee firwat sollt do een iergendwellech deier chemesch Produiten dramaachen, fir sech duerno selwer ze schueden?

OK mä Wolleken halen eis d’Sonneliicht wech. Kënnen d‘Kondenssträifen, sou wéi den Auteur dat seet, net och?

Jo. D’Fro ass wéivill dat ausmécht? No den Attentater op de World Trade Center haten d’Fuerscher déi eemoleg Chance fir emol en Himmel ouni Kondenssträifen ze studéieren...

Ahh... Well do e puer Deeg kee Fliger méi geflunn ass? An?

Deemools wor et deemno am Dag bëssi méi waarm, an an der Nuecht bësse méi kal wéi soss – mee d’Ënnerscheeder wore minim… Fazit: Menger Meenung no ass et eng Verschwörungstheorie well sech d‘Phenomener all wëssenschaftlech erkläre loossen. Dee vill méi grousse Problem ass dogéint evident: Déi vill Fligere blose vill CO2 an d’Atmosphär. An dat ass sëcherlech e réelle Problem.

Auteur: Joseph Rodesch
Editeur: Jean-Paul Bertemes
Photo: Wikimedia Commons

Infobox

Mr Science op Eldoradio

All 2 Wochen beäntwert de Mr Science är Froën op Eldoradio.

Aussi intéréssant

Recherche au Luxembourg
Kerosene shortages What the conflict in the Middle East means for holiday flights, air cargo and supply chains

Is kerosene at risk of running short? Benny Mantin, Professor of Logistics and Supply Chain Management at the University...

University of Luxembourg

Mr Science
Looping mam Fliger Bleift Waasser am Eemer wann de Fliger op der Kopp as?

Eng spektakulär Variatioun vum éischten Experiment, dat de Mr Science als Kand gemaach huet.

FNR

Recherche au Luxembourg
Le système de sécurité des aéroports de haute technologie FLYSEC La fin des longues files d’attente et des mesures de sécurité contraignantes

L’Université du Luxembourg, en collaboration avec Lux-Airport, a testé un système de sécurité des aéroports de haute tec...

University of Luxembourg

Aussi dans cette rubrique

sperm and egg cell
Reproduktiounsbiologie Gewënnt bei der Befruchtung wierklech de séierste Spermium?

Vill Leit stelle sech d'Befruchtung vun der Eezell wéi eng Course vir: Dee séierste Spermium gewënnt. Mee eigentlech ass et en Hindernisparcours, bei deem de weibleche Kierper d'Reegele mat bestëmmt....

FNR
Drogensucht
Drogesucht Firwat maachen Drogen eigentlech ofhängeg?

Ween ze vill an ze laang Droge consomméiert, ka säi Kierper ruinéieren an Aarbecht, Frënn a Famill verléieren. Firwat ass et trotzdeem sou schwéier, opzehalen?

FNR
Kierperhygiene Wierken Deoe wierklech géint Schweessgeroch?

Grad am Summer gräifen der vill ganz selbstverständlech zum Deo. Awer hëlleft dee wierklech? A brauch iwwerhaapt jiddereen en Deo?

FNR