Wéi entsteet eng Verschwörungstheorie?

30.09.15

FNRDiesen Artikel drucken

De Kurt Cobain lieft nach an déi wäiss Kondenssträifen um Himmel sinn a Wierklechkeet geféierlech Substanzen déi d’Bevëlkerung vergëfte sollen. Verschwörungstheorie schéngen ni aus der Moud ze kommen, mee wéi entsteet sou eng?

Mir ginn an eisem Alldag iwwerschwemmt mat Informatiounen déi mer net ëmmer richteg beuerteele kënnen.Vu Natur aus versicht de Mënsch sech seng Welt ze erklären. Fille mer eis onwuel oder verluer, gi mer ufälleg fir esou Theorië well se eis eng ganz einfach Äntwert liwweren.

Jo mee mer hunn dach eis Experten, déi eis Saachen erkläre kennen?

Och en Expert kennt sech meeschtens just a sengem Feld esou richteg aus. Verschwörungstheoretiker picken sech och just déi Beweiser eraus déi se fir hir Theorie brauchen, dofir ginn hier Beweiser och ëmmer esou propper op. Wat an der Wëssenschaft - leider - net de Fall ass. Wann ee sicht fënnt een awer oft séier Géigenargumenter déi dës Theorien entlarven.

E Verschwörungstheoretiker géif elo behaapten: De Mr Science gëtt bestëmmt bezuelt fir esou eppes ze soen...

Jo, an esou engen Diskussioune komme vill Emotiounen an d’Spill an déi maachen dat mer schwéier mat rationalen Argumenter ze iwwerzeege sinn. Bei enger Verschwörungstheorie geet et meeschtens dorëmmer dass eng gewësse mächteg Elite sech zesummendeet fir am Geheimen iwwert de Verlaf vun der Weltuerdnung ze decidéieren.

Elo sinn ech awer gespaant...

Esou Theorie gëtt et an alle Beräicher: ob eis Gedanke mat den elektromagnéitesche Strahle vun eisem Handy manipuléiert ginn oder angeblech liewenswichteg Impfungen eis a Wierklechkeet krank maachen. Eppes hunn all déi Theorie gemeinsam, mir – déi 'normal' Leit – gi manipuléiert an express domm gehalen. A si mer mol éierlech, wien huet net heiansdo dat Gefill dass 'se' ons net alles soen?

Dat heescht all Mënsch ass e klenge Verschwörungstheoretiker…

Jo an enger gewësser Weis schonn! 

Auteur: Patrick Kahr
Editeur: Joseph Rodesch (FNR)

Photo: Wikimedia Commons

 

Auch in dieser Rubrik

Wann d´Mier voller Plastik ass – land en dann och am Fësch op mengem Teller?

15.02.17 An de Mierer schwammen onmoosseg grouss Quantitéite Plastik ronderëm. Verschidden Mieresdéiere verschlécken dëse Plastik. Kéint en sou och mam Fësch op meng...> Ganzen Artikel lesen

Wat geschitt beim Impfen?

26.10.16 Scho mat e puer Woche kréie Puppelcher hier éischt Impfung – wat geschitt eigentlech dobäi am Kierper? > Ganzen Artikel lesen

D'Wëssenschaft vum Eelefmeter: Mat statisteschen Etuden déi bescht Taktik ermëttelen

04.07.16 De Fussballspiller leeft un, waard kuerz a schéisst...déiw an den Eck! Wier et besser héich ze schéissen? Net ze waarden? Domadder hu sech Wëssenschaftler b...> Ganzen Artikel lesen

Firwat richt ee Parfum no kuerzer Zäit net méi?

11.05.16 Heiansdo froen ech mech, firwat ech iwwerhaapt Parfum benotzen…no puer Minutten ass de Geroch souwisou fort. Verflitt de Parfum sou schnell? > Ganzen Artikel lesen

Atomendlager: Eng Verstopp fir 1 Millioun Joer - geet dat iwwerhaapt?

31.03.16 Zu Bure, 150 km vu Lëtzebuerg, soll en Atomendlager entstoen. Ka sou en Endlager iwwerhaapt sëcher sinn? A wéi deelt een zukünftege Generatiounen dat mat? > Ganzen Artikel lesen

Infobox

Mister Science op Eldoradio

All 2 Wochen beäntwert de Mister Science op Eldoradio är Froen.

 
 
 
 
 
 
Schéck och deng Fro op: mister.science_at_fnr.lu

Fuerschung zu Lëtzebuerg

 

Verwandte Themen