© Wikimedia

Kann d’Zeeche fir Radioaktivitéit an 10.000 Joer iwwerhaapt nach een entzifferen?

Zu Bure, 150 km vu Lëtzebuerg, soll en Atomendlager entstoen. Ka sou en Endlager iwwerhaapt sëcher sinn? A wéi deelt een zukünftege Generatiounen dat mat?

Radioaktiven Offall, dee bis zu enger Millioun Jore geféierlech Strahlen ofgëtt, misst een och sou laang verstoppe kënnen - awer ouni ze vergiesse wou e läit.

Geet dat iwwerhaapt?

Schéi wier et. Do ginn et Ideeën iwwer Lager déif ënner der Äerd z.B. an ale Salzbergwierker. Do agemauert bleift den Offall 100 Joer sécher oder nach väit 1000 Joer... mee bei enger Millioun Joer!!! do kënnt d’Geologie an d’Spill. Dat heescht Bewegunge vu ganze Buedemplakken an doduerch nei Bierger, Vulkaner, an Äerdbiewen an dann ass d’Erosioun vu Flëss déi d’Landschaft total verännere kënnen.

OK... vill méiglech Szenarien – mee et sinn awer mëttlerweil Plaze fir Endlager an der Diskussioun, wéi z.B. deen zu Bure a Frankräich, net wäit vu Lëtzebuerg. Huele mer mol un mir hätte Chance matt denen. Da ginn et awer weider Problemer...

Jo masseg. Wéi soe mer de Leit, déi an e puer 1000 Joer dës Lagerplaz fannen, datt dës geféierlech ass ?

Ech géif mol soen et muss een se gutt beschrëften (op Steen).

Jo mee déi eelste Schrëft déi mer kennen ass grad réischt 8000 Joer al – an déi ka jo quasi keen entzifferen. Schrëften an Zeeche changéieren déi ganzen Zäit. Kuck mol d‘Zeeche vun der Atomenergie...

...dat ass giel matt schwaarzem Ventilator

Jo, vill Leit halen dat haut scho fir eng Wandmillen – et soll eigentlech d‘Strahlung symboliséieren. Fuerscher mussen also Zeechen entwéckelen déi (och an puer 1000 Joer) verhënneren datt keen erageet a virun allem datt kee virwëtzeg gëtt. Well d’Griewer vun de Pharaoe waren och matt Warnungen iwwerschott an d’Mënschen hunn se einfach ignoréiert...

OK en Endlager fir 1000 Joer ass quasi onméiglech an eent fir 1 Millioun Joer eng Illusioun?

Jo, d’Mënschheet ass grad mol 200’000 Joer al - e Lager ka keng dauerhaft Léisung sinn...

Auteur: Joseph Rodesch
Photo: wikimedia.org

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. 

Aussi intéréssant

Eng Welt ouni Offall Wat bréngt “Zero Waste“?

Duerch bewosste Konsum, schounenden Ëmgang mat Rohstoffer a virun allem Offallvermeidung wëll Zero Waste hëllefen, eis Ë...

FNR
Métabolisme urbain Rendre visibles les conséquences cachées de la consommation des ressources dans les villes

Les effets de la vie en ville sur l’environnement et la santé se font généralement sentir ailleurs. Thomas Elliot s’inté...

FNR
Atmosphär Wéi entsteet en zweet Ozonlach iwwert dem Nordpol?

Zanter manner FCKWen produzéiert ginn, déi Ozon zerstéieren, schéngt d'Ozonschicht gerett ze sinn. Firwat konnt trotzdee...

FNR

Aussi dans cette rubrique

Gedächtnis
Gediechtnes Wéi vill kënne mir eis op eis Erënnerunge verloossen?

Hätte mir kee Gediechtnes, géife mir just am Moment liewen! Mä sinn all eis Erënnerungen och wierklech geschitt? D'Wëssenschaft schéngt Zweiwel ze hunn...

FNR
Pisa Summerchallenge Wéi geet et der Uelzecht?

Wou entspréngt se, firwat ass se sou sténkeg, a wat gëtt gemaach fir den Zoustand ze verbesseren?

FNR
Téin géint de Stress! Léisst sech e Stau mat Musek besser erdroen?

Ob um Wee op d'Aarbecht oder an d'Vakanz: D'Waarden an engem Stau ziert un den Nerven. Hëlleft Musek géint de Stress? A wa jo, wéi eng?

FNR