Pixabay

All Joer landen e puer Milliounen Tonnen Plastik am Mier.

Mr. Science, et héiert ee jo ëmmer erëm, dass an onse Mierer enorm Quantitéite Plastik ronderëm schwammen an dass verschidde Mieresdéieren deen och friessen. Wann ech Fësch oder Mieresfriichten iessen, iessen ech de Plastik dann och mat?

Dat kann een zumindest net ausschléissen. Eréischt viru kuerzem hunn Fuerscher Plastikspartikelen a Fësch wei Cabillaud a Makréil aus der Nord- an Ostsee nogewisen, also a Fësch dee mir iessen.

Wouhier kennt dann dee ganze Plastik?

Ma gréisstendeels vum Land. Bei Wand flitt de Plastik séier ronderëm a gëtt da vun de Flëss an d’Mier transportéiert. All Joer gëtt weltwäit ongeféier 300 Milliounen Tonne Plastik produzéiert. E puer Milliounen Tonnen dovu landen am Mier.

OK, dat ass villäicht net schéin, mee dovun ofgesinn: Ass daat wierklech e Problem?

De Plastik zersetzt sech quasi net. D´Material vu PET-Fläschen zum Beispill, kann een nach no 450 Joer am Mier erëm fannen. Am Laf vun der Zäit gëtt de Plastik an ëmmer méi kleng, mikroskopesch Partikelen zerriwwen. D´Fësch an aner Mieresdéiere verwiesselen dee da mat Plankton, an huelen en iwwer hiert Iessen op. D‘Partikele sammelen sech am Mo, Daarm a villäicht och an der Muskelmass un.

A da gëtt ee krank wann een dee Fësch ësst...?

Dat wëssen d´Experten nach net. Vill Partikelen a Schuedstoffer sammelen sech an de Verdauungsorganer vun den Déieren. An déi gi jo oft net matgiess. Mee ob d‘Mikropartikelen an d‘Schuedstoffer dorausser och an d´Muskelmass kommen, also d‘Fleesch dat mir iessen, dat muss nach erfuerscht ginn – an dann eben och, ob des fir de Mënsch bedenklech sinn. 

Auteur: ScienceRelations
Editeur: Joseph Rodesch
Iwwersetzer: Sophie Steinmetz
Photo: Pixabay

 

Infobox

Mr Science op Eldo Radio

All 2 Wochen beäntwert de Mr Science eng Fro op Eldo Radio. Des Emissioun ass vum 15.02.2017.

Aussi intéréssant

Eng Welt ouni Offall Wat bréngt “Zero Waste“?

Duerch bewosste Konsum, schounenden Ëmgang mat Rohstoffer a virun allem Offallvermeidung wëll Zero Waste hëllefen, eis Ë...

FNR
Métabolisme urbain Rendre visibles les conséquences cachées de la consommation des ressources dans les villes

Les effets de la vie en ville sur l’environnement et la santé se font généralement sentir ailleurs. Thomas Elliot s’inté...

FNR
Atmosphär Wéi entsteet en zweet Ozonlach iwwert dem Nordpol?

Zanter manner FCKWen produzéiert ginn, déi Ozon zerstéieren, schéngt d'Ozonschicht gerett ze sinn. Firwat konnt trotzdee...

FNR

Aussi dans cette rubrique

Pisa Summerchallenge Wéi geet et der Uelzecht?

Wou entspréngt se, firwat ass se sou sténkeg, a wat gëtt gemaach fir den Zoustand ze verbesseren?

FNR
Téin géint de Stress! Léisst sech e Stau mat Musek besser erdroen?

Ob um Wee op d'Aarbecht oder an d'Vakanz: D'Waarden an engem Stau ziert un den Nerven. Hëlleft Musek géint de Stress? A wa jo, wéi eng?

FNR
Gebuertsdag A wéi engem Mount hunn déi meescht Leit Gebuertsdag?

All Dag komme Kanner op d'Welt. Mä an ewéi engem Mount hunn eigentlech déi meescht Leit Gebuertsdag?

FNR