RTL, FNR

All Joer am Summer ginn d’Moderatore vum Pisa Wëssensmagazin op RTL Télé, sech e gemeinsamen Challenge fir d’Saison unzefänken.

All Joer am Summer ginn d’Moderatore vum Pisa Wëssensmagazin op RTL Télé, sech e gemeinsamen Challenge fir d’Saison unzefänken.

Den Ufank vum Joer 2018 war doduerch markéiert, datt de Wollef fir d’éischt zanter ganz laangem erëm duerch Lëtzebuerg gezunn ass. Hiweiser heirobber hunn eng Foto an 2 gerasse Schof geliwwert. Dëst insolite Evenement hunn den Olivier an de Joseph als Geleeënheet genotzt, fir ze iwwerpréiwen, wéi wëll Déieren et iwwerhaapt fäerdeg bréngen, quasi onbemierkt duerch eist Land ze zéien.

Ginn et genuch duerchgängeg Bëscher, a genuch Iwwergäng op eisen Stroossen an Autobunnen?

An 2 Deeg goung et vun der däitscher Grenz aus (bei Fouren) queesch duerch d’Land bis an d’Belsch (bei Stengefort), an dat zu Fouss. D’Zil war et, eng Streck ze wielen, déi och vun engem wëllen Déier, wat Mënscheschei ass, kéint geholl ginn. Iwwer 70 Kilometer,  dat ass d’Streck déi ee Wollef an engem Dag zeréckleeë kann, sinn si fir hire Challenge getrëppelt, an dat quasi just iwwer Bëschweeër oder duerch déck an dënn. Lëtzebuerg ass awer keen einfachen Terrain, well e ganz dicht Stroossennetz et an all Richtungen duerchzitt.

Mir kënnen iech et verroden: Si sinn natierlech kengem Wollef begéint, mee si hunn eng wonnerschéi Säit vu Lëtzebuerg entdeckt.

De Wollef kënnt zeréck

De Wollef an och aner wëll Déiere wäerten sech an de kommende Joren lues a lues hiren Terrain zeréck erueweren. Fir datt de Mënsch an déi wëll Déieren och roueg nieftenee liewe kënnen, brauch all Partei säi Liewensraum. Dat bedeit nach e puer Verännerungen an eiser Landschaft. Dëst ass ënner anerem ee Sujet an der Sendung.

Iessbar Planze fanne mat moderner Technik

Eng App um Smartphone, déi „inaturalist“ heescht erméiglecht et, mat Hëllef vun Algorithmen, an awer och der Erfarung vu Biologen, Planzen an Déieren ze bestëmmen, déi een net kennt. Einfach fotograféieren, an dann iwwert d‘App eroplueden. Op Basis vun der Positioun a vu verschiddenen Informatiounen aus der Foto, mécht d’App zimlech akkurat Virschléi, a gëtt Informatiounen zu dem Déier oder der Planz déi ee fonnt huet. Dëst kann z.B. am Hierscht hëllefräich si fir op Champignonssich ze goen. Mee opgepasst: Wann der iech net 100 % sécher sidd, loosst d’Planz léiwer stoen.

Auteur: Olivier Catani (RTL) a Joseph Rodesch (FNR)
Produktioun: RTL
Merci’en: Christian Marche, Melanie Reuter (FNR), Sandra Cellina (ANF)

Aussi intéréssant

Mythos oder Wourecht Wéivill Reewierm liewen ënnert enger Wiss?

Stëmmt et, dass am Buedem sou vill Reewierm sinn, dass d’Mass vun alle Reewierm an enger Wiss méi grouss ass wéi d’Mass...

FNR
Ouni Schlof! Ginn et Déieren, déi net schlofe mussen?

Mr Science, dëse Weekend war ech esou groggi – ech hu bal nëmme geschlof. Iergendwéi ass dat jo och Zäitverschwendung.

FNR
Microleidus Melusinae Meeressaurierart in Luxemburg entdeckt

Ein im Süden Luxemburgs ausgegrabenes Fossil wurde vom MNHN untersucht – es handelt sich um eine bislang unbekannte Art...

Aussi dans cette rubrique

Video thumbnail
The Beauty of Slow Motion Comment la glace peut-elle produire une explosion ?

Comment produire une explosion avec une bouteille en plastique, un peu d'eau et de la neige carbonique ? Une expérience à ne pas reproduire chez soi...

FNR
Video thumbnail
The Beauty of Slow Motion Pour quelle raison les physiciens font-ils tomber des ballons de baudruche remplis d’eau ?

Au moment de l'impact, d'étonnantes oscillations se forment à la surface du ballon rempli d'eau. Pourquoi les physiciens s'intéressent-ils à ce phénomène ?

FNR
Laptop Internet
Stroumfriesser Internet Sou vill CO2 produzéiers Du beim Surfen!

All E-Mail, all Internetsich, all Internetvideo verbraucht e bësse Stroum. Ma ass dat wierklech e grousse Problem? Mr Science, wéi vill verbraucht z.B. eng E-Mail?

FNR