Eise Kierper ass e Spillfeld fir Mikroorganismen. Dorënner si Bakterien an awer och Hiefepilzer. Ass et méiglech dës ze isoléieren an dorausser genuch Hief ze maache fir e Baartbéier ze brauen?

Hiefpilzer sinn eenzel Zellen déi een op vill Planzen a Friichte fënnt. Op eiser Haut, besonnesch op horegen, waarme fiichte Plaze kënnen Hiefen, déi mer eis aus eisem Ëmfeld opgeraf hunn weider liewen an sech reproduzéieren.

Mat Hëllef vu Fuerscher aus dem LCSB (Luxembourg Institute of Systems Biomedicine) konnt de Mr Science no e puer Versich Hiefen aus e puer Baarthoer vum Olivier an him isoléieren. An enger Nährflëssegkeet goufen d’Hiefe wuesse gelooss. D’Bakterien an aner Organisme goufe mat Alkohol respektiv Antibiotik gedéit. No e puer Deeg ware genuch Baarthiefe geziicht fir e Versuch an der Brauerei ze versichen.

Mee net just an der Brauereie ginn Hiefe gebraucht, mee och an der biologescher Fuerschung spillen Hiefen eng wichteg Roll Modelorganisme wéinst hirer Ähnlechkeet zu Mënschen- respektiv Déierenzellen. Si loossen sech am Laboratoire liicht ziichten a genetesch manipuléieren. Um LCSB gi rar Krankheete mat Hëllef vun Hiefzellen erfuerscht.

D’Braumeeschter hunn dem Olivier a Mr Science hier Baarthiefe weider verschafft an fir d’éischt op e liichte Malzextrakt ugesat fir datt sech d’Hiefe weider multiplizéieren a fir ze testen op d’Hiefen aktiv sinn. Et huet sech gewisen datt awer laang net sou hongereg op Malzzocker si wéi normal Béierhiefen.

Ob de Béier am Endeffekt eppes ginn ass gesidd dir am Reportage.

Auteur: Joseph Rodesch
Produktioun: RTL
Intervenant'en: Jean-François Conrotte (LCSB), Antoine Biasino an Joseph Hallack-Wolff (Brauerei Stuff), Ralph Schmitt (Sommelier Restaurant Bräiläffel), Olivier Catani (RTL)
Merci : Adhish Walvekar(LCSB), Dean Cheung (LCSB) , Emily Iversen (FNR), Linda Wampach (FNR)

 Diffusioun: 10/11/19

Infobox

PISA Wëssensmagazin

Dëse Reportage gouf an Zesummenaarbecht mat RTL Télé fir d'Emissioun Pisa Wëssensmagazin produzéiert. D'Sendung kënnt eemol de Mount Sonndes ab 19:00 op RTL Télé Lëtzebuerg. Déi ganz Sendung fënns de op pisa.rtl.lu

Aussi intéréssant

Klimawandel Wat mécht den CO2 op eiser Äerd?

Klimakiller an CO2-Steier - iwwer den CO2 gëtt vill geschwat. De Mr Science erkläert firwat e Gas, deen nëmme knapp 0.04...

FNR , RTL
Stroossebau Gëtt et de perfekte Stroossebelag ?

Grëffeg, resistent a roueg … Dëst sinn nëmme e puer vun den Eegenschaften déi e Stroossenbelag muss hunn. De Mr Science ...

FNR , RTL
Best of 10 Joer Pisa Happy Birthday, Mr. Science!

En Zesummeschnëtt vun de stäerkste Momenter aus 10 Joer Mr Science am Pisa Wëssensmagazin, souwéi en Artikel dee fir de ...

FNR , RTL

Aussi dans cette rubrique

Scharchen
Gesonde Schlof Firwat schnaarche munch Leit?

Schnaarche stéiert d’Matbewunner a kann esouguer e Symptom fir eng Krankheet sinn. Wouhier kënnt dat Seeën matten an der Nuecht hier?

FNR
Fettige Haare
Kierperhygiène Firwat ginn Hoer fetteg?

Munch Leit kënnen hir Hoer wäschen a gesinn no e puer Stonnen trotzdeem aus, wéi wa se Hoerueleg benotzt hätten. Firwat ginn hir Hoer sou séier fetteg?

FNR
Den Toun mécht d’Musek Sinn eis Museksinstrumenter falsch gestëmmt?

Huet Musek mat engem Grondtoun vu 432 Hz e speziellen Afloss op Kierper a Geescht?

FNR