Ech huelen meng Schlësselen an déi lénks Hand da gesäit et am Spigelbild aus wéi wann ech se an der rietser Hand géif halen. Firwat eigentlech?

(c) FNR

De Mister Science test sai Spigelbild

Ech huelen meng Schlësselen an déi lénks Hand. Da gesäit et am Spigel aus, wéi wann ech se an der rietser Hand géif halen. Leeën ech de Schlëssel par konter op mäi Kapp, bleift en och am Spigel um Kapp. Firwat vertauscht de Spigel lénks a riets awer uewen an ënnen net?

De Spigel vertauscht net lénks a riets. D’Schlësselen an der rietser Hand gesäis de och riets am Spigel.

Wéi dann? Ech gesinn dach, datt mäi Spigelbild se an der lénker Hand huet.

Däi Spigelbild huet se an hierer lénker Hand. Vun dir aus gesinn si se ower riets. D’Ausdréck „riets“ a „lénks“ sinn fest un d’Bléckrichtung vun enger Persoun gebonnen, a si keng fest Richtungen am Raum. Wat fir ons virum Spigel „riets“ ass, ass fir onst Spigelbild, wat aus dem Spigel erauskuckt, „lénks“. Dat ass genausou, wéi wann eng Persoun vis-à-vis vun dir steet, an dech ukuckt: Wann si den Aarm op hirer rietser Säit hieft, op watfir enger Säit gesäis du hiren Aarm dann uewen?

Moment! Si hieft hiren rietsen Aarm a kuckt mech. Da gesinn ech hiren Aarm op menger lénker Säit uewen.

Richteg. Wat fir deen een „riets“ ass, ass fir deen aneren „lénks“ wann déi zwee vis-à-vis stinn.

A wéi ass et dann mat „uewen“ an „ënnen“?

Uewen an ënnen si fest Richtungen am Raum, genausou wéi Osten a Westen, Süden an Norden. D‘Schlësselen um Kapp bleiwen uewen am Spigelbild. Genausou wéi d’Schlësselen riets an der Hand och riets am Spigelbild bleiwen.

Aus der Siicht vum Spigelbild sinn se ower lenks.

Jo. Wa mir behaapten, de Spigel géing riets a lénks austauschen, da versetze mir eis a Gedanken an eist Spigelbild. Dohier kennt dee ganzen Duercherneen!

Eieiei! Dat muss ech mer nach eemol roueg duerch de Kapp goe loossen.

Auteur: André Mousset/Joseph Rodesch/Michèle Weber
Photo © FNR

Infobox

Mr Science op Eldoradio

All 2 Wochen beäntwert de Mr Science op Eldoradio är Froen.
Scheck och deng Fro op: mister.science_at_fnr.lu

 

Fuerschung zu Lëtzebuerg

Op der Uni beschäfteg sech d’Unitéit Cognitive Science and Assessment (COSA) ënnert der Leedung vum der Prof. Christine Schiltz matt Prozesser wéi eist d’Gehir Informatioune iwwer eis Ëmwelt veraarbecht.

Aussi intéréssant

Recherche au Luxembourg
Résumer une thèse en trois minutes Inflammation du système nerveux : recherche sur la maladie de Parkinson dans un mini-cerveau

La doctorante Sònia Sabaté Soler travaille au LCSB sur l’optimisation de modèles 3D du mésencéphale et est l’une des gag...

Luxdoc

Recherche au Luxembourg
Modèles précliniques Faire progresser le traitement personnalisé du cancer grâce aux « avatars » de patients


Le LIH, en collaboration avec des partenaires de recherche, a établi une collection de modèles précliniques de tumeurs c...

LIH

Découvrir
Médecine L’hypnose en milieu médical, pour quoi et quelle efficacité ?

L’hypnose est de plus en plus souvent utilisée pour atténuer p.ex. la douleur. Mais, le public est divisé quant à son ef...

FNR

Aussi dans cette rubrique

 Duerchzoch Wéi vill frësch Loft ass richteg?

Fuerscher erfuersche ganz am Eescht den Duerchzoch a Gebaier. Firwat ass dat sënnvoll an am Ament souguer e besonnesch wichtegt Thema? Mr. Science, wat maachen “Duerchzochsfuerscher“?

Gin Tonic
Drénken amplaz (vum) Schnapp? Hëlleft Gin Tonic géint Heeschnapp?

Soubal d'Heeschnappsaison erëm ufänkt, maachen och erëm eng ganz Rei Rotschléi géint déi lästeg Allergie d'Ronn. Zum Beispill, dass Gin Tonic hëllefe soll. Mee stëmmt dat dann och?

FNR
Naturphenomer De gréisste Kalwaassergeysir vun der Welt ass an der Eifel

Bis zu 60 Meter héich sprëtzt de Geysir all 2 Stonnen zu Andernach. Wéi dëse funktionéiert a wou zu Lëtzebuerg et sou Phenomener ginn, gidd der an dëser Episode vum Pisa Wëssensmagazin gewuer.

FNR, RTL