Kaum denkbar datt ee senge Gäscht e Kuch zerwéiert wou ee virdrun seng Mikroben drop geblosen huet. Mir verroden en Trick wéi een en trotzdeem ausblose kann!

Joseph Rodesch (FNR)

Ee klengen Trick wéi een a Corona-Zäiten seng Gebuertsdagskäerzen ausblose kann.

Fir d’Käerzen um Kuch sécher aus ze kréien, blose mer mat enger chemescher Reaktioun e Loftballon op an blosen d’Käerzen da mat dem Gas aus dem Ballon aus. 

Material: 

  • Loftballon (däerf op kenger Gebuertsdagsparty feelen) 
  • Eidel Fläsch 
  • Esseg  
  • Bakpolver (am beschte Bicarbonat oder Natron) 

Duerchféierung: 

Fëll zwee Fanger héich Esseg an d’Fläsch.

Fëll ongeféier een Iessläffel Bakpolver an de Loftballon.

Fixéier d’Ëffnung vum Ballon un der Ëffnung vun der Fläsch a kipp de Bakpolver an d’Fläsch.  

Wann de Ballon opgeblosen ass, huel e virsiichteg erof andeems de de Ballon zoupëtz.  

Looss de Gas aus dem Ballon virsiichteg a gezilt a Richtung Käerzen stréimen. 

Erklärung:  

Esseg zersetzt de Bakpolver a bei dëser Reaktioun gëtt de Gas Kuelendioxid fräi. Et entsteet en Drock an der Fläsch an dëse bléist de Ballon op. D’Käerzeflam geet mat dem Gas aus dem Ballon ganz liicht aus, well éischtens déi stréimend Loft d’Flam souwäit ofkillt datt se ausgeet an zweetens well de Kuelendioxid e Gas ass deen d’Flamen erstéckt. 

Auteur: Joseph Rodesch (FNR)

Aussi dans cette rubrique

Joseph playing a flute
Schallimoflütt 2.0 Bastel eng Flütt - mat engem Schallimo an engem Loftballon

Fann eraus, wéi den Toun vun enger selwer gebastelter Flütt méi héich oder déif gëtt jee nodeems wéi vill Plaz d’Schwéngunge vun der Loft hunn, déi den Toun mécht.

FNR
Réaction chimique Fais pousser un « arbre » à l'aide de bicarbonate de soude et de vinaigre

Cet « arbre au bicarbonate » utilise un procédé similaire à celui du « volcan au bicarbonate ».

FNR
Expérience de Noël Construis un sapin de Noël qui danse – à l’aide d’un moteur électrique

Dans cette expérience, tu découvriras comment l'électricité et le magnétisme interagissent dans un moteur électrique simple pour mettre un objet en mouvement.

FNR