FNR

Eng Carte Blanche vum Generalsekretär vum Fonds National de la Recherche (FNR), Marc Schiltz.

An enger Zäit, an där d’Wëssenschaft staark am Fokus vun der Ëffentlechkeet steet, an et nieft Luef och Kritik gëtt, ass et schéin ze gesinn, datt d’Vertrauen an d’Wëssenschaft bei der Lëtzebuerger Bevëlkerung awer weiderhin héich ass, sou de Marc Schiltz, Generalsekretär vum Fonds National de la Recherche (FNR), an enger rezenter Carte Blanche op RTL. 

An enger representativer Ëmfro, déi den FNR all puer Joer duerchféiert koum Mëtt Mäerz eraus, datt d’Vertrauen an d’Wëssenschaft bei eis am Land am Verglach mat 2019 nach liicht geklommen ass: 70% vun der der Lëtzebuerger Bevëlkerung vertraut der Wëssenschaft an der Fuerschung. Zu Lëtzebuerg ass d'Vertrauen an d'Wëssenschaft domadden zum Deel bedeitend méi héich ewéi a villen aneren Länner. 

D’Covid-Kris huet eis och virun Ae gefouert, wéi nëtzlech et ass, dass mer eis eege wëssenschaftlech Expertise am Land hunn an 83% vun den Befroten stëmmen zou, datt den Bäitrag vu Wëssenschaftler wichteg ass, fir d’Ausbreedung vum Coronavirus zu Lëtzebuerg ze bremsen. Dat ass en eenzegaartegen Vertrauensbeweis fir d'Wëssenschaftler. Bei der Ëmfro hunn dann och 57% der Ausso zougestëmmt, datt Investissementer an d’Fuerschung hei am Land weider klamme sollten. Avis aux décideurs politiques!

D’Vertrauen, dat Gesellschaft der Wëssenschaft entgéint bréngt ass fir d’Fuerschungscommunautéit immens wichteg. Mee et ass keen Acquis, well et ka sech erëm änneren. 

Als Wëssenschaftler verflicht dat ons, un déi grouss Défi'en fir d'Zukunft erun ze goen: Klimawandel an Energie Transitioun; Konsequenzen vun der digitaler Transformatioun op Aarbecht, Wirtschaft a Gesellschaft; Gesondheet am globale Kontext. D’Fuerschung muss sech vun dëse gesellschaftlechen a globalen Erausfuerderunge guidéiere loossen, an dobäi de permanenten Dialog mat der Gesellschaft fleegen. 

Zum Vertrauen gehéiert awer och, dass mer als Fuerscher d'Éierlechkeet hu fir ze soen dass mer net Alles wëssen – soss bréichten mir jo net méi ze fuerschen. Virun 12 Méint hätt kee Fuerscher kéinte garantéieren dass mir haut e Covid Vaccin hätten. Elo hu mer en, mee et hätt och kéinten aneschters goen. Mir kënnen net verspriechen dass mir op alles eng Äntwert fannen. Fuerschen heescht nämlech un der Grenz zum Onbekannten ze stoen. An mir wëssen net genau wat ons déi aner Séit erwaart. Heiansdo seegelen mer no Indien, a mer entdecken Amerika; mee heiansdo entdecken mer och näischt, trotz vill Asaz an Aarbecht. Och dat gehéiert zur Fuerschung. Wann dat Verständnis de Wëssenschaftler entgéintbruecht gëtt, dann sinn ech zouversiichtlech dass mer onsen Engagement vis-à-vis vun der Gesellschaft kënnen anhalen.

Auteur: Marc Schiltz (FNR)
Éditeuren: Michèle Weber, Didier Goossens, Jean-Paul Bertemes (FNR) 

Aussi dans cette rubrique

Nouveautés en science L’essentiel de l’actualité de la recherche au Luxembourg- août 2021

Qui est derrière la crise du logement au Luxembourg ? Découvrez cela dans notre tour d’actualités des résultats de la recherche au Luxembourg.

Collage of images
Nouveautés en science L’essentiel de l’actualité de la recherche au Luxembourg – juillet 2021

Quelles sont les dernières avancées scientifiques des chercheurs au Luxembourg ? L’équipe de science.lu vous propose un tour d’horizon (non exhaustif) sur sa sélection du mois de juillet 2021.

contact tracing
Traçage des contacts des malades et applications de suivi des contacts Comment les données peuvent contribuer à endiguer la pandémie de Covid-19 et ce que cela signifie pour la protection des données

Suivi, traçage, don de données – les méthodes de collecte des données pour enrayer la pandémie de Covid-19 sont aussi diverses que les objectifs qu'elles poursuivent. Une vérification des faits.

FNR
Alexander Skupin, Jorge Goncalves
Simulations de la Task Force COVID-19 Pourquoi les simulations ne permettent pas de prédire l'avenir avec certitude – et sont néanmoins utiles

Dans leurs simulations, les chercheurs de la Task Force COVID-19 avaient prédit une plus forte hausse du nombre de cas d'infection. Pourquoi cette situation ne s'est-elle pas produite ?