Haut féiert de Planéit Mars op eng gewëssen Aart a Weis Gebuertsdag ! Haut virun Joer 48 Joer sinn déi éischt Fotoe vum roude Planéit gemaach ginn.
Schonn am November 64 huet d’Raumsonde Mariner 4 seng Rees ugefaang. Hir Aufgab war et, fir laanscht de Mars ze fléien, e puer Fotoen ze maachen an se zréck op d’Äerd ze schécken. Donieft stoungen och nach aner wëssenschaftlech Missiounen um Programm, wéi zum Beispill Miessunge vum Weltall grad esou wéi technesch an technologesch Tester fir esou laang Weltallreesen ze erméiglechen.
8 Méint méi spéit war et esou wäit: 22 schwaarzwäiss Fotoe vu schlechter Qualitéit sinn op der Äerd ukomm ! Op de Foto mengt ee bal, de Mars géif dem Mount mat senge ville Kratere gläichen. E risege Succès also ! Fir deemools opmannst. An der Tëschenzäit schéckt der Nasa hire Mars Rover lacker em déi dausend Fotoe vu beschter Qualitéit! A wéi sech erausgestallt huet, huet dem Mars seng Uewerfläch och net wierklech vill mam Mount gemeinsam !
Text: Corinne Kroemmer
Infobox
1mol d'Woch présentéiert de Mister Science op RTL Radio d'Erfindung oder den Entdecker vum Daag.
