De Mr Science an d'Michèle vu science.lu probéieren, ob si duerch Sport oder Meditatioun Genen un- oder ausschalte kënnen – an doduerch e puer Joer méi jonk kënne ginn.

RTL, Media4All, FNR

De Reportage aus dem PISA Wëssensmagazin op RTL Télé Lëtzebuerg

Eis DNA an domadder eis Genen ierwe mir jo vun eisen Elteren an d’Gene selwer kënne mer net änneren. Awer fir datt Gene funktionéiere mussen se ugeschalt ginn. An dat kënne verschidde Facteure wéi z.B. Ernärung, Sport, Stress oder Ëmweltaflëss mat bestëmmen.

Jee nodeems wéi eng Genen iwwert de Laf vun eisem Liewen un- oder ausgeschalt ginn oder bleiwen, altere mir méi oder manner séier. Dëst kann dann eise sougenannte biologeschen Alter änneren, deen – anescht wéi eise chronologeschen Alter – reflektéiert, wéi gesond mir sinn a wéi gutt mir am Laf vun eisem Liewen op eise Kierper opgepasst hunn.

De Mr Science an d’Michèle vu science.lu hunn hire biologeschen Alter mat enger spezieller Bluttanalyse bestëmmt an sech duerno den Challenge gesat, en innerhalb vu sechs Méint erofzedrécken. De Mr Science duerch Sport an d’Michèle duerch Meditatioun. Ob dat hinnen dat gelongen ass, a wat do mat eise Gene geschitt, gëss Du am Video gewuer.

Auteuren: Joseph Rodesch & Michèle Weber (FNR)
Video: RTL & Media4all
Merci: Tarek Soubra (mydnage.com)

Infobox

PISA - De Wëssensmagazin

Dëse Reportage gouf an Zesummenaarbecht mat RTL Télé fir d'Emissioun Pisa Wëssensmagazin produzéiert. D'Sendung kënnt eemol de Mount Sonndes ab 19:00 op RTL Télé Lëtzebuerg. Déi ganz Sendung fënns de op pisa.rtl.lu.

Aussi dans cette rubrique

 Blëtzableiter Kéint een Energie aus Blëtzer gewannen?

An engem Blëtz stécht dach ganz vill Energie. Kënne mir déi vläicht notzen?

FNR
Sonnennéitser Firwat musse munch Leit néitsen, wa se an d’Sonn kucken?

Kenns du dat? Bei verschiddene Leit, wa se raus ginn an an d’Sonn kucken, fänkt hier Nues un ze kribbelen an si mussen dräimol néitsen. Firwat ass dat esou, an huet dat eigentlech jiddereen?

FNR
„Nacktscanner“ Wéi funktionéiert e Kierperscanner um Fluchhafen?

Op Fluchhäfe ginn zanter e puer Joer Kierperscanneren agesat, fir Passagéier op Waffen a Sprengstoff ze duerchsichen. Wéi funktionéieren dës Apparater?

FNR