Leit déi iwwergewiichteg si, beschwéieren sech am Summer oft méi iwwer d’Hëtzt wéi Leit déi méi schlank sinn. Gëtt et dofir eng wëssenschaftlech Erklärung?

© Wikimedia

Film screenshot - "The Flying Deuces"

Leit déi iwwergewiichteg si, beschwéieren sech am Summer oft méi iwwer d’Hëtzt wéi Leit déi méi schlank sinn. Gëtt et dofir eng wëssenschaftlech Erklärung?

Jo et gi wëssenschaftlech Studien déi erklären, dass Iwwergewiichteger Hëtzt manner gutt verdroe wéi Schlanker, an dat ass haaptsächlech op zwou Saachen zréckzeféieren: eng méi déck Fettschicht an eng méi grouss Kierperuewerfläch.

Elo sinn ech awer gespaant op deng Erklärung

De Mënsch muss seng Kierpertemperatur konstant halen. Wäermt gëtt am Kierper duerch chemesch Reaktiounen produzéiert, z.B. bei der Verdauung. De Kierper muss déi Wäermt vu bannen awer erëm no baussen ofginn, soss géif d'Kierpertemperatur permanent klammen. De Kierper leed d’Wäermt also Richtung Haut.

An dobäi hëlleft Fett net....

Genee. Fettgewebe funktionéiert e bëssen wéi eng Isolatiounsschicht vun engem Haus: den Expert géif vu Wärmedämmung schwätzen. Wat déi Fettschicht méi déck ass, wat d’Wäermt manner gutt vu bannen aus dem Kierper un d’Uewerfläch vun der Haut fléisst.

Schweessen ass jo och eng Méiglechkeet wéi de Kierper Wäermt lass gëtt, duerch Verdonstung vu Waasser un der Kierperuewerfläch. Bei enger iwwergewiichteger Persoun ass jo d’Kierperuewerfläch méi grouss, d.h. déi hu méi „Platz“ fir ze schweessen? Kompenséiert dat dann net?

Bei normalen Temperaturen jo, mee wann et waarm ass hëlt déi méi grouss Kierperuewerfläch och méi Wäermt vu baussen op, déi dann an där méi grousser Gesamtmass vum Kierper stockéiert gëtt. A wéi mer gesinn hunn, bei sou Leit net sou gutt no baussen geleet gëtt.

Sou ganz pauschal kann een dat awer net gesinn. Et sinn och nach aner Facteuren déi kënnen en Afloss drop hunn wéi gutt een Hëtzt verdréit, z.B. de Bluttkreeslaf oder Hormonproduktioun.

Wann ech elo richteg kombinéieren: Glace iessen hëlleft nëmme kuerzfristeg fir sech ofzekillen, emol d’Kalorien op de Rëpper hält se eis waarm.

Genau!

Aner interessant Froën hondrëm des Thema:

Wéi ee mat extremer Hëtzt emgeet 

Firwat ass et de Fraen ëmmer méi kal wéi Männer?

Auteur: Michèle Weber (FNR)
Editeur: Joseph Rodesch (FNR)
Photo: Film screenshot - "The Flying Deuces", Public Domain, https://commons.wikimedia.org/w/index.php?curid=6285491

Infobox

Quellen

Cramer MN, Jay O. Biophysical aspects of human thermoregulation during heat stress. Autonomic Neuroscience: Basic and Clinical 196 (2016) 3–13
Anderson GS. Human morphology and temperature regulation. Int J Biometeorol (1999) 43:99–109

Aussi intéréssant

Découvrir
Ofkille bei Hëtzt Wéi Ventilator a Klimaanlag eis ofkillen

Am Géigesaz zu der Klimaanlag killt de Ventilator de Raum net of. An awer fille mir eis ofgekillt. Entdeck d’Physik hann...

FNR

Découvrir
Canicule Journées chaudes et nuit tropicales: Quelle chaleur de plomb !

À ces conditions les mécanismes de refroidissement de notre corps se heurtent à leurs limites. Surtout dans les agglomér...

MNHN , FNR
Person sitting on couch with hat, freezing.

Mr Science
Äiskal ofhuelen Kann een ofhuelen, andeems een doheem d'Heizung erofdréint?

Eise Kierper brauch Energie, fir permanent op Betriebstemperatur ze bleiwen. Kann een dat notzen an duerch manner Hëtzen...

FNR

Aussi dans cette rubrique

 Killwaasser Benotzen oder verbrauche Rechenzentre Waasser?

Fir net ze iwwerhëtzen, brauche Rechenzentre Waasser. Wat passéiert eigentlech domat? Dat hänkt virun allem vun der Killtechnik an dem Stroummix, deen agesat gëtt, of.

FNR
E-Zigaretten Vapen oder Fëmmen: Wat ass méi schiedlech?

Vapes respektiv E-Zigarette si längst am Alldag ukomm. Mee wéi vill wësse mir eigentlech iwwer dat, wat mir do anootmen?

FNR
Ausserierdesch Signaler Wéi sicht d'Wëssenschaft no ausserierdesche Signaler?

Wat geschitt, wann d'Mënschheet e Signal vun ausserierdeschem Liewen entdeckt? Nei international Richtlinne leeë fest, wéi d'Wëssenschaft da soll virgoen. Mee wéi sicht se iwwerhaapt no Signaler?

FNR