Dem Gebuertsdagskand vun Gëschter hu mer et ze verdanken, dass aus engem einfache Schnapp keng Epidemie gëtt. Den Ignaz Semmelweis, deen Gëschter 195 Joer geféiert huet, huet näämlech erausfonnt firwat verschidde Krankheeten ustiechend sinn.
Bis Mëtt 19t Jorhonnert waren d’Dokteren iwwerzeegt, dass Krankheete wéi Cholera an d’Pescht sech duerch schlecht Loft giffe verbreeden, déi vun der Verweesung vu Planzen, Déieren a Mënsche giff kommen !
Dem Semmelweis ass awer als jonken Dokter opgefall, dass an deem enge Gebuertszëmmer vill Mamme während der Gebuert gestuerwe sinn, an an deem aner net ! Firwat giff d’Loft en Ënnerscheed tëscht den zwee Zëmmere man? De Semmelweis war iwwerzeegt, dass nach eppes anescht giff hannendru stiechen! Et ass em dunn opgefall, dass an deem engen Zëmmer nëmmen Hiefamme waren, an an dem aner jonk Dokteren an der Léier, déi dack tëscht Gebuerten Autopsien duerchgefouert hunn. Dofir koum hie mat der Iddi, dass Krankheete sech vun de Läichen op de Mënsch, an da vu Mënsch zu Mënsch kenne verbreeden. Obwuel hien dofir ausgelaacht ginn ass, ass d’Doudesrat drasteg erofgaang wéi hie bis duerchgesat hat, dass jidderee sech tëscht de Patiente muss d’Hänn wäschen. An 13 Joer méi spéit ass seng Theorie vum Louis Pasteur bewise ginn!
Text: Corinne Kroemmer
Infobox
1mol d'Woch présentéiert de Mister Science op RTL Radio d'Erfindung oder den Entdecker vum Daag.
