Dat Glutamat sech a ville Fäerdegprodukter befënnt fir de Geschmaach ze verstäerken, dat hunn ech mol schonn héieren. Mee Zocker fir eis süchteg ze maachen??

(c) Jon Sullivan

Dat Glutamat sech a ville Fäerdegprodukter befënnt fir de Geschmaach ze verstäerken, dat hunn ech mol schonn héieren. Mee Zocker fir eis süchteg ze maachen??

Ech schwätzen elo net vun Zocker a Form vu Kuelenhydrater, déi jo souwisou am Deeg sinn, oder vu Fructose deen an den Tomaten ass. Ech schwätze just vun normalem wäissen Zocker deen d’Liewensmëttelindustrie dobäi mécht, fir dass mer ëmmer weider wëllen iessen!

Firwat bréngt den Zocker eis dann dozou, ëmmer weider wëllen z’iessen?

Den Zocker aktivéiert en Deel vum Gehir, deen eis e Gefill vu Pleséier a Wuelbefanne gëtt. Vun dem Gefill wëlle mer natierlech esou laang wéi méiglech profitéieren. Dofir freet de Kierper dann ëmmer weider no Zocker, fir deen Deel vum Gehir weider ze aktivéieren an eis weider wuel ze fillen. Mir hunn de Bauch also scho voll, mee d’Waasser leeft eis awer am Mond zesummen a mir wëllen nach e Stéck!

Bei cocainesüchtege Rate geet et esouguer esou wäit, dass si iergendwann léiwer Zockerwaasser hu wéi Cocaine! D’Fuerscher schléissen doraus, dass den Zocker d’Raten richteg ofhängeg mécht, op engem ähnleche Wee wéi Cocaine, an hinne grad esou en onwiddersteelechen, wann net esou guer besseren, “Kick” gëtt!

Hu, gutt dass mer keng Rate sinn! Mee och wann eise Kierper Zocker net mat Cocaine verwiesselt, kënnt et awer fir dass mer no enger Tiefkühlpizza Loscht op eng Zweet hunn!

Auteur: Corinne Kroemmer

Foto © Jon Sullivan

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

     
Quellen

Aussi dans cette rubrique

 Summerzäit Wat sinn d’Vir- an Nodeeler vun der Zäitëmstellung?

Zweemol am Joer stelle mir d’Auer ëm – am Fréijoer an am Hierscht. Vill Leit froen sech: Firwat maache mir dat eigentlech? A bréngt d’Summerzäit wierklech Virdeeler, Mr Science?

FNR
Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR