shotshop.com

Gëtt et nach intakt Dinosaurier-DNA?

Am Jurassic Park Film fannen d’Fuerscher am Bernsteen eng Moustique, déi just éier se gestuerwen ass, engem Dinosaurier Blutt oofgezaapt huet. Doraus extrahéieren se Dino-DNA a “bastelen” sech T-Rexen an all méiglech aner Saurier.  Ass dat realistesch?

D’Grondiddi aus dem Film huet schon eng wëssenschaftlech Basis, mee funktionéiere kéint sou eppes awer nët. Dat fänkt domat un, dass DNA, also d’Ierwmaterial, wat een dofir bréicht, och ënnert deene beschten Emstänn no Millioune Joer sou dégradéiert ass, dass een net méi vill domat ufänke kann. Ausserdeem hunn se am Film d’Dino-DNA mat Fräschen-DNA gemëscht an a Strausseneeër ausgebréit. Dat as pur Utopie.

Da kann ech mer mäi "Schouss-Saurier" wuel ofschminken…

Richteg Dinosaurier wäerte mer wuel ni méi hei ze gesi kréien. Obwuel, den Jack Horner, e bekannte Paläontolog, schafft tatsächlech drun, aus Hénger en Dinosaurier-ähnlecht Déier ze kreéieren: den Chickenosaurus, wéi den Horner et nennt (siehe Infobox). Ob dat klappe kéint, do sinn d’Experten sech awer net eeneg.

Fir méi rezent ausgestuerwen Déieren kéint et awer vläicht funktionéieren. Et gëtt ëmmer méi wahrscheinlech, dass d’Wëssenschaftler kéinten de Mammut, beziehungsweis en Elefant, deen em enorm ähnlech ass, zeréckbréngen.

Firwat geet dat da mam Mammut a mam Dino nët?

D’Mammute si nët all verstengert ginn, mee oft just déifgefruer. A se sinn och nët viru Milliounen vu Joer ausgestuerwen, mee “réischt” viru puer dausend Joër. E Grupp Fuerscher huet d’Genomen vun zwee Mammuten komplett entziffert. Déi nächst Etapp wier, d’Genen déi de Mammut resistent géint d’Keelt gemaach hunn, wéi eng déck Fettschicht a laang Hoër, an de Genom vun engem asiatëschen Elefant eranzebréngen a sou lues a lues mammut-ähnlech Elefanten ze zillen.

Auteur: Liza Glesener
Editeur: Joseph Rodesch (FNR)
Photo © shotshop.com

Infobox

Fuerschung zu Lëtzebuerg

De wëssenschaftleche Mataarbechter Dominique Delsate vum Lëtzebuerger Naturmusée (Musée national d’histoire naturelle Luxembourg) an de Paläontolog Martin D. Ezcurra vun der Ludwig-Maximilian Universität München hunn 2014 zwou fossil Schanken, déi zu Lëtzebuerg fonnt goufen, als Iwwerreschter vun Dinosaurier identifizéiert. Déi zwou Schanke goufe vun zwee begeeschterten Hobby-Paläontologen, den Häre Roby Haas a Kurt Meiers zu Brouch entdeckt. Weider Informatiounen ginn et hei.

Wat hu Vullen an Dinosaurier gemeinsam?

Vulle staammen direkt vun den Dinosaurier of an hunn an hierem Ierwmaterial nach all d’Genen, déi dofir zoustänneg sinn Zänn, Fangeren oder och e Schwanz ze bilden. Sie hun souguer als Embryo kuerz Zänn an e Schwanz, mee déi bilden sech nach am Ee rëm zréck. Den Horner postuléiert, dass wann een dës Réckbildung stoppe kann, dobai en Hong erauskënnt, wat engem Miniatur-Velociraptor, enger Art Dinosaurier, ganz ähnlech wier. En Tyrannosaurus rex brauch een sech awer nie z’erwaarden.
 

Aussi intéréssant

Quand la science rencontre le rock’n’roll Honneurs scientifiques pour le groupe suédois de metal extrême Arch Enemy

Ben Thuy est un grand fan du groupe Arch Enemy. À tel point que ce paléontologue du MNHN a décidé de donner le nom du gr...

Os découvert à Rumelange Des chercheurs prouvent l’existence d'un dinosaure thyréophore au Luxembourg

Un petit os a occupé les chercheurs pendant dix ans. Il s'agit des restes d’un herbivore mort il y a 169 millions d'anné...

Chercheurs du bout du monde Le passionné de dinosaures venant d‘Australie

Que fait un paléontologue en Australie ? La même chose que ses collègues en Europe. Les dinosaures ont aussi existé Dow...

Aussi dans cette rubrique

Mullen
Et kënnt op den “r” un Firwat fänkt d'Mullesaison am September un?

Am Hierscht sti se nees an de Restauranten op der Kaart: Mullen. Mä firwat kommen d'Muschelen eréischt am September nees op den Dësch?

FNR
Zero Waste
Eng Welt ouni Offall Wat bréngt “Zero Waste“?

Duerch bewosste Konsum, schounenden Ëmgang mat Rohstoffer a virun allem Offallvermeidung wëll Zero Waste hëllefen, eis Ëmwelt ze retten. Wéi relevant ass des Beweegung? A wat funktionéiert?

FNR
Tokyo 2021
Olympesch Summerspiller zu Tokio Wéi vill Sport ass gutt fir eise Kierper?

Den 23. Juli fänken d'Olympesch Spiller a Japan un. Fir eng Medail ginn d'Athleten un hir Grenzen. Wat bedeit dat fir de Kierper?

FNR