FNR
Schéck eis Däi Motivatiounsschreiwes an CV bis spéitstens de Méinden, 31. Oktober 2022 eran.
De 25. a 26. November 2022 organiséiert de Fonds National de la Recherche (FNR) zesumme mat all de Fuerschungsakteuren déi 6. Editioun vun de Researchers’ Days an der Rockhal zu Esch/Belval.
Wat sinn d’Researchers’ Days?
- Interaktiv wëssenschaftlech Atelieren fir Grouss a Kleng – a gratis!
- Science Cafés: interaktiv Diskussiounen iwwer Fuerschungsprojeten mam Fuerscher an engem relaxe Kader
- Promotioun vun der Recherche an de Fuerscher zu Lëtzebuerg an dem direkten Austausch tëschent Wëssenschaftler an dem Grand Public.
De Freideg den 25. November (8h30 bis 16h30) ass fir d’Lycées Klasse reservéiert an de Samschdeg 26. November maachen d’Reseachers’ Days hier Dieren vun 10h00 bis 19h00 fir de Grand Public op.
All weider Informatiounen zu de Researchers’Days fënns du op www.researchersdays.lu.
Wat siche mir?
Mir siche Leit (mindestens 18 Joer al), déi bei der Animatioun vu wëssenschaftlechen Atelieren hëllefe kënnen an idealerweis déi zwee Deeg disponibel sinn.
Deng Qualitéiten:
- Du bass mindestens 18 Joer al
- Dir fält et liicht dech mat Mënschen vun all Alter (Kanner, Jonker, Erwuessener,...) auszetauschen
- Du interesséiers dech fir Wëssenschaft a Fuerschung
- Du schwätz lëtzebuergesch (noutwendeg), franséisch (erwënscht), däitsch (erwënscht) an englesch (erwënscht)
- Du kanns an enger Equipe schaffen, bass eegestänneg, dynamesch an traus dech op d’Leit zou ze goen
- Du bass gewëllt dech scho virum Event mat denge Responsabel auszetauschen fir den Atelier optimal ze preparéieren
De Salaire (brut) ass ofhängeg vun dengem Studien-Niveau:
- 20€/Stonn – mat diplôme de fin d’études secondaires
- 23€/Stonn – mat diplôme bachelor
- 26€/Stonn – mat diplôme master
Erkenns Du dech an dëser Beschreiwung? Da schéck eis Däi Motivatiounsschreiwes an CV bis spéitstens de Méinden, 31. Oktober 2022 un:
emotion event management
Mme Cynthia Losch
1, rue de la vallée
L-7411 ANSEMBOURG
Tél.: (+352) 24 69 78 - 25
team@emotion.lu
D‘Selektioun vun de Kandidaten iwwerhëlt den FNR. D’Agence emotion event këmmert sech em d’administrativ Gestioun vun den Demanden.
