Wat as eng spezifesch Sproochentwécklungsstéierung (SSES)?

13.09.17

LEARN
University of Luxembourg
Imprimer cet article

LEARN erklärt eis wat eng spezifesch Sproochentwécklungsstéierung (SSES) as, wéi se diagnostizéiert gëtt a wat d’Ursaach kéint sinn.

Eng spezifesch Sproochentwécklungsstéierung (SSES) oder Entwécklungsdysphasie ass eng unhalend Stéierung vun der Sprooch, déi d’Ausdrécken an d’Verstoe vu Geschwatenem erschwéiert.

Eng SSES ass net op e Mangel u sproochlecher Stimulatioun, Méisproochegkeet, e Problem mam Héieren oder vun der Intelligenz zeréckzeféieren. Den Ausdrock “spezifesch” soll däitlech maachen, dass et sech ëm eng Stéierung handelt déi gréisstendeels d’Sprooch betrëfft, währenddeems aner kognitiv Beräicher scheinbar net betraff sinn.

D‘Diagnos vun enger SSES bei engem méisproochege Kand

Den Haaptcritère fir eng SSES-Diagnos ass eng Diskrepanz tëschent engem Kand sengem nonverbalen (net sproochlechen) IQ a senge Resultater a sproochlechen Tester.

Ginn et Tester, fir SSES bei engem méisproochege Kand ze evaluéieren?

Adequat Tester, fir déi sproochlech Fähegkeet vun engem méisproochege Kand ze evaluéieren, ginn et awer leider bis ewell keng, wat d‘Diagnos vun enger SSES an engem méisproochege Kontext wéi zu Lëtzebuerg schwiereg mécht. Et ass bis elo bal onméiglech fir e kognitive Sproochdefizit (eng SSES) vun enger Sproochdifferenz bedéngt duerch een Immigratiounshannergrond z’ënnerscheeden. An eiser Fuerschung probéiere mir klinesch Markeren ze fannen, déi den Therapeute kënnen hëllefen, dësen Ënnerscheed ze maachen.

Eis Studie weisen: Zuelen nosoe kéint e gudden Test sinn fir SSES ze diagnostizéieren

Eis Studie mat portugiseschen Immigrantekanner zu Lëtzebuerg weisen, dass Kanner ouni eng SSES-Diagnos a sproochlechen Tester am Lëtzebuergeschen an am Portugisesche bei wäitem manner gutt ofschneide wéi Kanner, déi doheem Lëtzebuergesch schwätzen an och monolingual Kanner aus Portugal.

Mir hunn och aner kognitiv Beräicher evaluéiert an hunn erausfonnt, dass besonnesch am Test „Zuelen nosoen“ déi portugisesch Immigrantekanner d’selwecht gutt ofschneiden, wéi monolingual lëtzebuergesch a portugisesch Kanner. Kanner mat enger diagnostizéierter SSES haten awer a genee dësem Test bei wäitem méi schlecht Resultater.

D’Zuelen nosoen – een Test vum verbalen Aarbechtsgediechtnes – ass also e potentiell gudden Test fir erauszefannen, op niddereg Resultater a Sproochtester op eng SSES oder eng Immigratiouns-problematik zeréckzeféiere sinn.

Problemer an den Exekutivfunktiounen – Ursaach fir eng SSES?

D’Exekutivfunktioune benotze mir fir eist Denken, eist Verhalen an eis Emotiounen zilgerecht ze steieren. Et handelt sech ëm eng Unzuel vu mentale Prozesser an ëmfaasst ënner anerem d’Aarbechtsgediechtnes, d’abstrakt Denken, d’Inhibitioun, de Switching…

Verschidde Fuerschungsaarbeschten deiten dorop hin, dass eng SSES op ee generelle Problem an den Exekutivfunktiounen zeréckzeféieren ass. Mir hunn dës Hypotheese getest an d’Performance vu Kanner mat enger SSES Diagnos, déi am Centre de Logopédie an d’Schoul gi, mat där vu Kanner ouni eng SSES, aus der Regelschoul, verglach. D’Kanner goufen an enger ganzer Rei vun Exekutivfunktiounen evaluéiert.

D’Resultater hu kloer gewisen, dass d’Kanner mat enger SSES ausschliisslech an dem Beräich vum verbalen Aarbechtsgediechtnes Problemer haten, net awer an aneren Tester vun den Exekutivfunktiounen.

Dës Fuerschung weist, dass eng SSES net op eng generell Stéierung an den Exekutivfunktiounen zeréckzeféieren ass, mee éischter op e spezifesche Problem am Beräich vum verbalen Aarbechtsgediechtnes.

Auteur/Kontakt: Pascale Engel de Abreu
Photo © Shotshop.com

Egalement dans cette rubrique

Le chômage chez les jeunes diplômés : pourquoi de plus en plus d’universitaires sont sans emploi au Luxembourg

08.05.18 En l’espace de dix ans, le nombre de jeunes diplômés sans emploi a triplé. Le Luxembourg est-il dépassé par l’essor de sa formation ? > Lire l'article complet

Recherche sur la douleur : qui sont les plus sensibles - les hommes ou les femmes ?

03.05.18 On dit souvent que les hommes seraient incapables de mettre un enfant au monde car ils sont bien trop douillets. Mais est-ce vraiment le cas ? > Lire l'article complet

Research trends: Herméneutique numérique – Une mise à jour de la pensée critique au sein des sciences humaines

27.04.18 L’herméneutique est une méthode fondamentale utilisée par les historiens depuis environ 150 ans.> Lire l'article complet

"LALA": Un programme préscolaire d’initiation à la lecture mis en pratique et évalué scientifiquement

10.04.18 Prévenir les difficultés d'apprentissage chez les enfants et leur faciliter la scolarité: Des chercheurs de l'Université du Luxembourg ont mis au point un p...> Lire l'article complet

La culpabilité par association dans les sciences : L’inconduite scientifique porte préjudice aux anciens collaborateurs

17.03.18 La confiance est primordiale dans la communication scientifique. L'inconduite d'un chercheur peut détruire la réputation de nombreux chercheurs. > Lire l'article complet

Infobox

Wat ass LEARN?

LEARN ass d’Ofkierzung fir Learning Expertise And Research Network, dëst heescht esou vill wéi “Léier Expertise a Fuerschungsnetzwierk”. Mir sinn e Grupp vu Wëssenschaftler a Praktiker, déi sech fir Léierprozesser a Léierschwieregkeeten intresséieren. D’Zil vun dësem Netzwierk ass en Austausch vu verschiddenen Akteuren (Fuerschung, Schoul, Therapie,Elteren), déi sech mam Léiere befaassen.
Mir wäerte mir Iech nei Fuerschungsresultater aus rezente Projete virstellen, souwuel aus de Beräicher Mathematik, Zuelen a Raum, der Gesiichtserkennung, de Sproochen an de Sprooch-entwécklungsstéierungen, sou wéi dem Aarbechtsgediechtnes an den Exekutivfunktiounen.

Zum Auteur

Matarbeschter

Waat ass EMACS ?

Fir weider Informatiounen


Sur le même sujet