© Goodyear

Et gëllt eng clever Maschinn ze bauen déi et erlaabt 10 Model Pneue mat engem Goodyear Loftschëff op eng indirekt an iwwerdriwwe komplizéiert Aart-a-weis ze transportéieren (ee Beispill hei ënnendrënner). Heivir soll ob Science, Technology, Engineerswiesen a Mathe (STEM) Prinzipien zeréckgegraff ginn. Déi 10 beschte Maschinnen gi mat attraktive Präisser belount!

Wie ka matmaachen?

  • All Schüler aus de Klassen 4e/10e bis 2e/12e kënne matmaachen.
  • D’Gruppen sollen aus min. 8, max. 10 Schüler aus deem selwechten Lycée bestoen.
  • All Grupp kann aus Schüler aus verschiddenen Klassen zesummegesat sinn.
  • All Grupp muss vun engem Proff ënnerstëtzt ginn.
  • All Lycée ka méi wéi eng Grupp umellen.

Wat genau gëtt erwaart?

No der Aschreiwung hunn d’Schüler bis den 3. Mee 2019 Zäit vir:

  • Hier Maschinn z’entwéckelen an ze bauen;
  • E Rapport ze schreiwen deen de Fonctionnement vun der Maschinn erkläert;
  • E Film ze dréien deen hier Maschinn an Aktioun weist.

Wéi ginn d’Maschinne bewäert a wie gewënnt?

All Maschinn gëtt vun Ingenieuren an Experten aus der Industrie an der Fuerschung bewäert. Vir folgend Elementer gëtt et Punkten:

  • Kreativitéit an Originalitéit vun der Maschinn
  • Verschidden obligatoresch an optional Aufgaben déi d’Maschinn erfëllen muss / soll
  • De schrëftlechen Rapport
  • De Film

Déi 10 Gruppen déi zum Schluss déi meeschte Punkte gesammelt hunn ginn agelueden vir eng live Demonstratioun vun hirer Maschinn, woudropshin och d’Präisser verdeelt ginn. Desen Live-Demo Dag ass vir Ufangs Juli virgesinn.

Dir wëllt iech aschreiwen?

Umeldungsformularer fannt Dir an der Direktioun vun ärem Lycée, oder Dir kontaktéiert ons ënner LuxStemChallenge@goodyear.com vir eng elektronesch Kopie vun den Dokumenter.

Wichteg: all d’Gruppen mussen sech bis spéitstens den 16. November 2018 ageschriwwen hunn!

 

Déi 10 Model Pneue (2,50 cm Duerchmiesser) an d’Goodyear Loftschëff (approx. 84 cm Längt) kritt dir no äerer Aschreiwung vun ons gescheckt.

Als Inspiratioun - hei ee Beispill zu enger Limonad-Maschinn:

Autor: Laurent Poorters (Goodyear)

Auch in dieser Rubrik

Researchers' Days 2018 Video- & Foto-Impressioune vun de Researchers' Days 2018

31 Workshoppen / 5 Science Cafés / 285 Fuerscher a Science Communicators / 6500 Visiteuren! D'Researchers' Days waren e groussen Erfolleg!

FNR
RESEARCHERS’ DAYS 2018 Wissenschaft zum Anfassen, Entdecken und Staunen

Am Samstag den 1. Dezember verwandelt sich die Rockhal in Belval in ein riesiges Forschungslabor. Entdecke Workshops über autonome Autos, Dronen oder die Funktionsweise des Gehirns und vieles mehr.

FNR
Job Offer Researchers’Days 2018 Mir rekrutéieren Animateure fir wëssenschaftlech Atelieren

Du bass mindestens 18 Joer al, u Wëssenschaft a Fuerschung interesséiert an dir fält et liicht dech mat Kanner an Erwuessenen auszetauschen? Da brauche mir dech!

FNR