© Pixabay

Grille mat Holzkuel bedeit ronn drai mol souvill CO2 wéi Grille mat Gas

Mr Science, haut den Owend gëtt gegrillt. Natierlech mat Kuel, well dat schmaacht mir einfach am beschten. Mee do ginn et der jo och déi, déi op Gas schwieren an des läscht hunn ech en Argument héiere wéi wann de Gasgrill méi klimafrëndlech wier... Stëmmt dat?

De Goût, dee vun engem Holzkuelgrill ausgeet, ass fir vill Leit net ze toppen. Mee dat wats de héieren hues ass richteg. Wann s du deng Kotlett bis perfekt gegrillt hues, ass mat Kuel ronn dräi mol sou vill klimaschiedlechen Kuelendioxid (CO2) an d'Atmosphär komm wei mat Gas. 

Wisou dat dann?

Ma dat fänkt schonn an der Produktioun un. Holzkuel gëtt meeschtens am industrielle Moossstaf produzéiert, an dobäi gëtt d'Holz, fir dass et verkuelt, mat anere Brennstoffer erhëtzt. Dobäi gëtt schonn vill CO2 an d´Atmosphär fräigesat – niewent anere Schuedstoffer. Oft gëtt fir d’Produktioun och Holz aus Länner benotzt, déi keng nohalteg Forstwirtschaft bedreiwen. Do gi riseg Flächen ofgeholzt an näischt amplaz geplanzt.

Jo mee Flësseggas ass jo och net einfach sou do.

Richteg, et ass e Nieweproduit bei der Raffinatioun vun Ueleg oder e kënnt aus der Aerdgasförderung. Wëssenschaftler hunn all d'Schrëtter vum Prozess ënnert d'Lupp geholl – vun der Matière Premiere, iwwert den Transport bis bei d'Erhëtze vum Grill. D'Resultat war: Gas ass méi klimafrëndlech.

Oh neeeee! Wat kann ech da maachen, wann ech trotzdem net op den Holzaroma verzichte well?

Den Ökobilan ass net grad sou fatal, wann s de Holzkuel aus nohalteg ugebautem Holz hëls. Dat erkenns de um FSC-Stempel. Wann s de dann och nach drop oppass, dass de net onnéideg vill Holzkuel verbrenns, ass et nach bësse besser. Mee op den Ökobilan vum Gas kenns de och dann net erun.

Auteur: scienceRelations
Editeur: Joseph Rodesch
Iwwersetzer: Sophie Steinmetz
Photo: Pixabay

 

Infobox

Mr Science op Eldo Radio

All 2 Wochen beäntwert de Mr Science eng Fro op Eldoradio.

Dës Emissioun gouf den 14. September 2016 diffuséiert. 

Auch interessant

Bildung für Nachhaltige Entwicklung Wie können Nachhaltigkeitsthemen in der Grundschule umgesetzt werden?

Das Projekt Way2ESD des SciTeach Center unterstützt Lehrkräfte bei der Entwicklung und Integration innovativer Unterrich...

Nachhaltiges Bauen Flexibles Wohnen im Regal: Auf der Suche nach alternativen Wohnmodellen

Wie lässt sich mehr Wohnraum schaffen und gleichzeitig der Ressourcenverbrauch reduzieren? Antworten darauf liefert ein ...

Forschungsprojekt REPAIR Vom Schuster bis zum Repair-Café: Wie sich das Reparieren und die Einstellung dazu im Wandel der Zeit verändert haben

Historiker der Uni Luxemburg erforschen die gesellschaftliche Bedeutung einer Beschäftigung, die durch den zunehmenden M...

Auch in dieser Rubrik

Perseiden Wat si Stäreschnäizen?

Den Ament si vill Stäreschnäizen um Nuetshimmel ze gesinn – déi sougenannt Perseiden. Hu Stäreschnäizen eppes mat Stären ze dinn oder net? A firwat gesäit een der grad elo esou vill?

FNR
(On)endlech Wäit? Wësse mir elo endlech ob den Universum onendlech ass?

Wéi grouss ass eigentlech den Universum? Ass e villäicht souguer onendlech? A wéi eng Iddie ginn et iwwerhaapt zur Gestalt vum Weltall?

FNR
Mimetismus an Tarnung Firwat kënne verschidden Déieren hir Faarf änneren?

Mr. Science, firwat kënnen Déieren ewéi Chamäleonen, Séipäerdercher oder Tëntefësch hir Faarf änneren? Bréngt dat hinnen iergendeng Virdeeler?

FNR