Theater mat integréierter Science-Show: Deltahigh – Die Faszination der verborgenen Dimension

27.06.17

Déi kleng Fuerscher
Lycée de Garçons Esch
École Fondamentale Dellhéicht
Diesen Artikel drucken

De Jongelycée vun Esch, d’Grondschoul Dellhéicht vun Esch an Déi kleng Fuerscher asbl proudly present d’Suite vun eiser ausgezeechenter Show („Award for the outstanding promotion of science to the public“ vum Fonds National de la Recherche). 

An enger Kollaboratioun, wéi et se hei zu Lëtzebuerg sécher nëmmen eng Kéier gouf (virun zwee Joër bei eis), präsentéiere mir en Theaterstéck a Form vun enger experimenteller Naturwëssenschafts-Show.

Deltahigh – Die Faszination der verborgenen Dimension - ein Chaosspiel auf drei dimensionalen Levels

Eist Stéck spillt an enger noër Zukunft. De verbrueten Assistent Wolf von der Dellhöhe, deen um Enn vun eiser éischter Geschicht am Mëttelalter konnt onschiedlech gemaach ginn, gëtt bei rezenten Opraumaarbechten nees zu neiem Liewen erwecht: Als Black W. Out ass hien erëm do !

Elo muss op allen Zäitebenen zesummegeschafft ginn fir ze verhënneren, dass dat Béist ee fir alle Mol gewënnt: D’Alchemisten aus dem Mëttelalter, d’ReDELLen aus der Géigewaart an d’Besatzung vun dem legendären Raumschëff Deltahigh mussen esou munch Aventuren duurchliewen iert um Enn, natierlech, alles gutt gëtt.

E witzeg Theaterstéck mat spektakulären Experimenter

Niewent dem witzege Stéck selwer, eng Kreatioun ganz aus eegener Hand, stinn natierlech nees spektakulär Experimenter am Mëttelpunkt. 7es- bis 1ères-Schüler vum Escher Jongelycée a Kanner vum Cycle 3 aus der Grondschoul Dellhéicht sinn elo schon dat ganzt Schouljoër fläisseg am Gaang, dësen aussergewéinleche Spektakel fir Iech ze preparéieren.

Den Uelzechtkanal, de landeswäit bekannte Fernsehsender aus dem Escher Jongelycée, wäert dofir suergen, dass all Klengegkeet um groussen Ecran gutt ze gesinn as.

Mir soën och schonn hei eng Kéier dem Fonds National de la Recherche an der Stad Esch Merci fir déi grousshäerzeg Ënnerstëtzung.

D’Virstellungen sinn:

Donneschdes, den 29. Juni um 19:00 (Weltpremière ) a

Freides, den 30. Juni um 19:00 (lescht Chance)

am Festsall vum Escher Jongelycée. 

Mir géifen eis immens iwwert Äer Präsenz freeën.

Ticketen

D’Ticketen kann een op deltahigh@lge.lu bestellen oder am Sekretariat vum Escher Jongelycée kafen.

Video

E Résumé vum Theaterstéck & Show virun 2 Joër kënnt dir am Video iwwert den FNR Award for Outstanding Promotion of Science to the Public gesinn.  

Auteuren: Astrid MAISCHAK (Déi kleng Fuerscher), Maryse LALLEMAND  (École Fondamentale Dellhéicht) & Jerry WAGENER (Déi kleng Fuerscher & Escher Jongelycée)
Photo: Déi kleng Fuerscher/
École Fondamentale Dellhéicht/Lycée de Garçons Esch

Auch in dieser Rubrik

Concours International Scientifique: Le 3ème prix pour une jeune luxembourgeoise et son satellite miniature !

28.08.17 Catarina Nunes, de l’European School Luxembourg I, a remporté le 3ème prix de sa catégorie au concours CASTIC de Chine grâce à son MiniSat ! Quel est-il ? > Ganzen Artikel lesen

Studienteilnehmer gesucht: Körperwahrnehmung und Stress bei medizinisch unerklärten Symptomen

26.07.17 Inwiefern führen Stress und eine fehlerhafte Kommunikation zwischen Kopf und Körper zu Beschwerden und einer Einschränkung des Wohlbefindens? > Ganzen Artikel lesen

McGyver-Wëssenschaft: Eng Kaffiskan als Detektor fir Weltraum-Deelercher

20.07.17 Fuerscher hunn en Experiment entwéckelt, an deem ee mat enger Kaffiskan Deelercher aus der kosmescher Héichtestrahlung detektéiere kann, déi sougenannt Myon...> Ganzen Artikel lesen

Wind turbine construction workshop at LtEtt with students from the University of Luxembourg

15.06.17 With a group of students from the University of Luxembourg, we built a small wind turbine – Do-It-Yourself style as a hands-on working experience with a gre...> Ganzen Artikel lesen

Jonk Fuerscher 2017: ein Preis in den USA für Camilla Hurst und ihre mikrobiologische Forschung

07.06.17 Camilla Hurst setzt ihre mikrobiologischen Forschungen zur Verbesserung der Sauberkeit öffentlicher Flächen fort. > Ganzen Artikel lesen

Verwandte Themen