Kleeder aus Spanneseid?

22.06.17

FNRDiesen Artikel drucken
Virun e bësse méi wéi 300 Joer huet e franséische Fuerscher als éischten aus Spanneseid Kleedungsstécker gemaach. Haut ass dës Iddi erëm en vogue. Viru kuerzem gouf e Parka, Sportsschong an eng Cravatte aus Spanneseid virgestallt. Mr. Science, kann ech mir geschwënn Kleedung aus Spanneseid kafen?

Dat waren als éischt mol nëmme Prototypen, mee ech sinn awer zouversiichtlech. Schonn deemools huet de franséische Fuerscher et eescht gemengt. Fir seng Iddi ze promoten, huet e souguer dem Kaiser vu China Hännschen aus Spanneseid geschenkt. Mee seng Iddi ass gescheitert, well een eng Onmass vu Spanne fir eng Masseproduktioun hale muss. Haut sinn d’Fuerscher do scho wesentlech méi wäit, well se d’Spanneseid ouni d’Spanne produzéiere kënnen.

Wéi funktionéiert dat?

Fuerscher hunn d’Gene fir d’Spanneseid a verschidden Organismen ageschleist. En amerikanesche Fuerscher setzt dofir Geessen an. Aus hirer Mëllech kann hien d’Grondbausténg fir Spanneseid gewannen. Dat funktionéiert, ass awer immens deier. Eng aner Firma léist vu Seideraupe Fiedem spannen déi zum Deel aus Spanneproteine bestinn. Am meeschte Succès huet awer eng Method mat Mikroorganismen. An den USA produzéiere genetesch manipuléiert Béierhiefe Spanneseidproteinen. A Japan an an Däitschland schaffe Start-ups mat Daarmbakterien, wat och ganz gutt funktionéiert.

Lount sech des Ustrengung iwwerhaapt, wat ass sou immens u Spanneseid?

Bei dem selwechten Duerchmiesser ass Spanneseid sou räissfest wéi duerchschnëttleche Stol. Mee se ass dobäi vill méi liicht! Et kann een sou also immens stabil Fasere produzéieren.

Spanneseid reegt ënner anerem och dofir d’Fantasie vun den Textilproduzenten un, well se biologesch oofbaubar ass. Dat ass e rise Virdeel géigeniwwer vu Konschtfaseren. Well dës verknaschte mëttlerweil all Wénkel vun de Weltmierer, wat e grousse Problem ass. Mee déi kënschtlech Spanneseidproteine kann een och nach fir aner Uwennungen asetzen.

Zum Beispill?

Spanneseidproteine ginn z.B. a Polverform a Kosmetik verschafft, wéi zum Beispill fir ootmungsaktiven Neellack. A sie ginn an der Medezin getest, zum Beispill als Beschichtung vun Implantater, well sie Bakterie ewechhalen.

Dann drécke mer de Fuerscher mol d’Daumen, dass sech hier Iddien um Maart duerchsetzen!

Och dofir bleift Fuerschung ëmmer spannend.

Auteur: Ingo Knopf/scienceRELATIONS
Editeur: Joseph Rodesch
Traducteur: Sophie Steinmetz
Photo: Pixabay

Auch in dieser Rubrik

Biologesch Auer: Wisou musse mer schlofen?

26.10.17 Well Schlof wichteg fir eis Gesondheet ass, schaffen d’Fuerscher u Schlofbrëller an intelligente Kappkëssen mat vill Elektronik. > Ganzen Artikel lesen

Kann ee Blutt kënschtlech hierstellen?

24.05.17 Säit ronn 100 Joer rette Blutt-Transfusioune Mënscheliewen. Mee et spenden ze wéineg Mënsche Blutt. Kënnen d'Fuerscher da kee Blutt am Labo hierstellen? > Ganzen Artikel lesen

Ass d'Banann vum Ausstierwe bedroht?

16.05.17 Wa Planzefuerscher sech net ustrengen, wäerte Bananne villäicht gläich erëm richteg seele sinn. Firwat? A ginn et Léisungen? > Ganzen Artikel lesen

Wéi vill Fuerschung stécht am Kaffi?

30.01.17 Wisou moosse Fuerscher de Koffeingehalt vum Mierwaasser? > Ganzen Artikel lesen

Wéi vill Fuerschung stécht am Jughurt?

04.01.17 Ass probiotesche Jughurt gutt fir d’Gesondheet? > Ganzen Artikel lesen

Infobox

Mr Science op RTL Radio

All 2 Wochen présentéiert de Mr Science op RTL Radio wat fir eng Fuerschung hannert engem Objet aus dem Alldag stécht. Des Sendung koum den 22. Juni 2017